Нәсіпбек Баязитов

Нәсіпбек Баязитов (1919, Павлодар облысы Баянауыл ауданы Егіндібұлақ ауылы - 1943, Украина, Харьков облысы Изюмин ауданы Заводы ауылы) - опера әншісі, музықант, аға лейтенант. Абай атындағы Опера және балет театрының ойын жүргізушісі міндетін атқарған. 1940 жылы әскерге шақырылады. Ж.Шанин, К.Байсейітова, Ж.Елебеков және басқа да атақты адамдармен бірге жұмыс істеген, дауысы қатты, әдемі болған, сырнай мен баянда өте жақсы ойнаған, репертуарында халық әндері мен қазақ композиторларының әндері болды.

Қазақтың халық әні «Баянауылды», «Сұрша қыз» және Жаяу Мұсаның әндерін, грузин халық әні «Суликоны» жоғары деңгейде орындаған. Оның ағасы Иген Баязитов Қаныш Сәтбаев Баянауылда сот болғанда ұйымдастырған ойын-сауықшылар тобына мүше болып, өнер көрсеткен және Майра Уәлиқызымен бірге Қоянды жәрмеңкесінде ән салған.