Обручев мұздығы

Обручев мұздығы – Жетісу Алатауының солтүстік беткейіндегі аңғарлық мұздық. Сарқан өзенінің алабындағы Шатыртас бастауында орналасқан. Мұздықты алғаш 1957 жылы П.А. Черкасов зерттеді. Оған көрнекті геолог В.А. Обручевтің есімі берілген.

Обручев мұздығы
Сипаттамасы
Түрі	Аңғарлық мұздық
Ауданы	4,47 км²
Ұзындығы	3,75 км
Орналасуы
Ел	Қазақстан
Аймақ	Жетісу облысы

Аумағы, жер бедері

Аумағы 4,47 км², оның ішінде борпылдақ жыныс жапқан жері 0,38 км². Ұзындығы 3,75 км. Фирн (мұзқар) алаңының ауданы 1,74 км². Мұздық 4010 м биіктікте, ал мұздық тілі аңғар табанына (3391 м) тіреледі. Мұздық қарқынды ерігінде төмен моренадағы алаңда көлемді көл пайда болады. Одан Шатыртас өзені басталады.