Олег Петрович Маципуло

Олег Петрович Маципуло - 1948 жылы 17 ақпанда ӨзКСР Самарқанд қаласында туған. Орыс. Өнер институтының режиссерлік бөлімін бітірген (Владивосток, 1974), актер. 1966 жылдан - С. Орджоникидзе атындағы Драма театрының актері (Новокузнецк). 1967 жылдан - Приморск өлкелік жас көрермендер театрының актері (Владивосток). 1972 жылдан - жас көрермендер театрының актері (Вологда). 1978 жылдан - Драма театрының актері (Шымкент). 1981 жылдан - М.Ю. Лермонтов атындағы Драма театрының актері (Грозный). 1982 жылдан - А.П. Чехов атындағы Драма театрының актері (Самарқанд). 1985 жылдан - Драма театрының актері (Фрунзе). 1987 жылдан - Жамбыл атындағы Облыстық драма театрының актері, 1998 жылдан бері - қоюшы-режиссері (Өскемен). Философиялық эссе жанрында жазылған «Марина Цветаева» пьесасының авторы. 50-ге жуық рөлдер орындаған. 40-тан астам режиссерлік еңбектері бар, оның ішінде: О. Маципуло мен О. Григорьева, «Марина Цветаева»; Г. Горин, «Геростратты ұмыту»; А. Мардань, «Соңғы батыл адам»; В. Красногоров, «Любовь до потери памяти»; А.Н. Островский, «На бойком месте»; Б. Акунин, «Шағала»; А.В. Сухово-Кобылин, «Кречинскийдің үйлену тойы». С. Аманжолов атындағы ШҚМУ Студенттік театрының көркем жетекшісі (Өскемен). «Театр өнері - 2005» сыйлығының лауреаты. ҚР Еңбек сіңірген өнер қайраткері (2005). Үйленген. Жұбайы - Пономарева Светлана Сергеевна, үй шаруасымен айналысады. Қыздары - Юлиана (1978 ж. т.), Анна (1987 ж. т.).