Омарбақиев Шавдун Аблизұлы

Омарбақиев Шавдун Аблизұлы —1932 жылы 10 сәуірде Алматы облысы, Еңбекшіказақ ауданының Таштиқара ауылында туған..Бастауыш сыныптарды өз ауылында ана тілінде бітірген соң, соғыстың басталуына байланысты оқуын жалғастыра алмай, 2—3 жыл шаруашылық жұмыстарға араласады. 1945 жылы соғыс біткен соң аудан орталығы Eсік ауылындағы В.М.Молотов атындағы қазақ орта мектеп-интернатына оқуға кіріп, оны 1951 жылы бітіріп, ҚазМУ-дың физика-математика факультетіне түседі.

1956 жылы оны үздік тәмамдап, 1956 жылы ұйғыр ауданы Кетмен орта мектебінде жұмысқа жолдама алып, 1961 жылға дейін ондағы ұйғыр, қазақ, орыс сыныптарында физика-математика пәндерінен сабақ береді.

1961 жылы өзінің туған ауылы Таштиқара орта мектебіне завуч болып ауысады.

1968—1975 жылдар аралығында Алматыдағы "Мектеп" баспасында редактор болып істейді. 1975—1992 жылдар аралығында, яғни Құрметті демалысқа шыққанға дейін баспалар, полиграфия және кітап саудасы істері бойынша Мемлекеттік комитетте бүкіл баспалардағы ұйғыр тілінде шығарылатын оқулықтар, көркем және саяси әдебиеттердің қолжазбаларын қадағалау бойынша жетекші редактор болып істейді. Соңғы жылдары да "Мектеп" баспасында жарық көріп жатқан ұйғыр тіліндегі физика-математика пәндерін баспаға дайындауға тәжірибелі маман, аудармашы ретінде белсенді араласып келеді.