Опалиндер
Опалиндер (Opalіnata) – саркомастигофоралар типіне жататын қарапайымдар.[1]
Таралуы
өңдеуЖер шарында кең тараған, 100-ден аса түрі белгілі. Жапырақ тәрізді денесінің ұзындығы 1 мм-дей, оны өте көп қысқа талшықтар жапқан. Ауыз қуысы жоқ, сапрофитті жолмен қоректенеді. Ядролары (саны 2-ден бірнеше 100-ге дейін) біркелкі, макро, не микронуклеустерге бөлінбейді. Опалиндердің тіршілік циклі иесі қосмекенділердің тіршілігіне сәйкес келеді. Көбеюі ересек бақалардың ішегінде бөліну арқылы жүреді.
Көбеюі
өңдеуИесі уылдырық шашқанда суға түскен Опалиндердің цисталарын итшабақтар жұтады. Итшабақтардың ішегінде Опалиндер жынысты көбейеді, яғни бөліну арқылы пайда болған бір ядролы майда гаметалар бір-бірімен қосылып, зигота құрайды. Зиготадан циста дамып, қайтадан суға шығады. Осы цистаны қайыра жұтқан итшабақтардың ішегінде көп ядролы Опалиндер пайда болады. Опалиндердің барлығы дерлік қосмекенділердің паразиті болып саналады.
Сілтемелер
өңдеуДереккөздер
өңдеу- ↑ Қазақ энциклопедиясы, 7 том
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |