Опоссумдар

Опоссумдар (лат. Didelphidae) - Бұл тек Америкада ғана мекендейтін қалталылардың ішіндегі ең қарапайым тобы.

Опоссумдар
Corynorhinus townsendii
Ғылыми топтастыруы
Дүниесі: Жануарлар Жамағаты: Хордалылар Табы: Сүтқоректілер Сабы: Didelphimorphia Кіші сабы: Microchiroptera

Таралуы

Опоссумдар Орталық, Оңтүстік Америка және Солтүстік Американың оңтүстік өңірінде кездеседі. Солтүстік Америка опоссумы Оңтүстік Канада, Шығыс Боливия, Парагвай, АҚШ-тың шығысы мен Тынық мұхит жағалауларында кеңінен тараған.

Негізгі сипаттамасы

Опоссумның үлкендігі мысықтай, аяқтары қысқа, тұмсығы үшкір. Құйрығы ұзын, әрі түксіз. Ал, денесіндегі түктері сұрғылт түсті болып келеді. Аналық опоссумның ене тұрқы 36- 53cм, құйрығының ұзындығы 25- 33см, салмағы 1,6- 5- 7кг. Қалтасының аузы артқа (құйрық жағына) қарай ашылады. Көбінесе су жағалауларына жақын жүреді. Аяқтарындағы ұзын 5 саусақтары және құйрығының көмегімен биікке тез өрмелеп шыға алады. Жауынан қорғану үшін өтірік "өлгендей" тырп етпей жата қалады. Опоссумдар көп күрек тісті сүтқоректілерге жатады. Үстіңгі тұмсығында оң жағы мен сол жағында 5- 5-тен 10 күрек тісі болады. Сойдақ тістері күрек тістерінен де ірі. Аналық опоссум бір жылдан соң көбеюге қабілетті болады. Ағаштардың арасында, қоқыстардың арасында, құрылыс орындарының бос жері және т.б. жерлерде тығылады. Ұя жасау үшін опоссум аузына тістеп, иілгіш құйрығының ұшына орап кепкен өсімдік қалдықтарын әкеледі. Табиғатта опоссумдардың тіршілік ету ұзақтығы 2 жылға жетер-жетпес. Қолда өсірілген опоссумдар 7 жылға дейін өмір сүреді. Опоссумдар көбінесе түнге қарай қорек іздеуге шығады. Қорек талғамайды: омыртқасыз жәндіктер, өлекселер, тышқандар, кесірткелер, бақалар, саңырауқұлақтар, мәдени өсімдіктер- жүгері, бидай, күріш және т.б. қоректенеді. Күзге қарай опоссумдар семіріп, қыста үңгірінде қозғалмай жатады. Қазіргі кезде опоссумдардың тіршілік ететін аумағы солтүстікке қарай ығысып, кеңейе бастады.