Оразаны бұзбайтын жағдайлар

Оразаны бұзбайтын жағдайлар. 1. Ұмытып ішіп-жеу немесе білмей жыныстық қатынаста болу. Пайғамбарымыз (с.а.у.) былай дейді: «Аузы берік адам ұмытыл ішіп-жесе, оразасын бұзбай толықтырсын. Өйткені оған жегізген де, ішкізген де Аллаһ» (Муслим, Сиям, 171). Басқа бір хадисте: «Рамазанда ұмытып оразасын бұзған адамға қаза да, кәффарат та керек емес» (ибн Мажа, Сиям, 15) - делінген. Ұмытқан адам есіне түскен кезде дереу тоқтатуы керек. 2. Бір адам таңертең жүніп болып тұрса және кешке дейін де осылай жүніп күйінде жүрсе, Оразасы бұзылмайды. Бірақ, әлбетте, намаз оқу үшін ғұсыл алу парыз. Аллаһ Кұранда: «Егер жүніп болсаңдар, толық тазаланыңдар» («Майда», 6-аят), - дейді. 3. Қан алдыру немесе сүлік салдыру Оразаны бұзбайды. Пайғамбарымыз (с.а.у.) қажылықта аузы берік кезінде қан алдырған (Бухари, Тыбб, 11). 4. Құлаққа су кіру, бұлық ағу Оразаны бұзбайды. 5. Көзге, құлаққа дәрі тамызу немесе көзге сүрме жағу Оразаны бұзбайды. 6. Мисуак Оразаны бұзбайды. Өйткені мисуак қолдану - сүннет. Тіпті тіс пастасын қолдану да Оразаны бұзбайды. Бірақ ішке кетіп қалса бұзылады. Ең абзалы таң намазы кірмей тұрып, жуу. 7. Тіс жұлдыру Оразаға кедергі жасамайды. Бірақ жұлдырған уақытта ауыздағы қанды, яки дәріні жұтау шарт. 8. Ауыз бен мұрынға су алып шайқау Оразаны бұзбайды. Бірақ тамаққа кетпеуін қадағалау қажет. 9. Тамаққа түтін немесе топырақ, шаң, ұнның тозаңы, қардың ұшқыны, жауынның тамшылары еріксіз кірсе, Оразаға зиян бермейді. Бірақ бұларды әдейі ішіне тартса, Ораза бұзылады. 10. Түкірік немесе мұрынды тарту арқылы бір нәрсе тамаққа кетсе, Ораза бұзылмайды. 11. Тістердің арасында қалған тамақ қалдықтары ноқаттан кішкене болса, оны жұту Оразаны бұзбайды. Гүл, әтір секілді жақсы иістерді иіскеу Оразаға зиян бермейді. 12. Еріксіз құсу (ауыз толы құсық болса да) Оразаға кедергі жасамайды және оның еріксіз ішке қайта кетуі де. 13. Салқындау үшін жуыну, жүзу немесе ылғалды бір көйлек кию Оразаны бұзбайды. Бірақ су жұтпастан суға батып жүзу қиын болғандықтан түспеу абзал.[1]

СілтемелерӨңдеу

  1. Оразаның түрлері
  2. Оразаның уақыты мен Рамазан айының анықталу жолы
  3. Рамазан айының анықталуы
  4. Ораза

ДереккөздерӨңдеу

  1. Ислам. Энциклопедиялық анықтамалық. Алматы: “Аруна Ltd.” ЖШС, 2010 ISBN 9965-26-322-1