Оразақ Қыстаубайұлы Ақбауов

Ақбауов Оразақ Қыстаубайұлы (16.12.1908, Орынбор облысы Домбаров ауданы Истеміс с. - 30.8.1985, Новоорск ауданы Бо- уызда с.) - 2-дүниежүзілік соғысқа қатысушы, взвод командирі, гвардия кіші лейтенанты, кейіннен капитан. Қазақ. 1931- 33 ж. Кеңес әскері қатарында борышын өтеген. Соғыска дейін Новоорск ауданында ұжымшар төрағасы болып қызмет атқарган. 1942 ж. маусым айында әскер қатарына шақырылып, майданға жіберілді. 1943 ж. 23 қыркүйекте 241-гвардиялық атқыштар полкінің взвод командир (Орт. майдан 60-армия 75-гвардиялық атқыштар дивизиясы) гвардия кіші лейтенанты Ақбауов Киевтің солт-нде взводымен Днепр өзенінен алғашқылардың бірі болып өтті. Оның взводы жауды өзен жағалауынан 1,5 шақырымға шегіндіріп, плацдармды басып алды да, олардың 19 қарсы шабуылына тойтарыс берді. Ақбауов өзі граната лақтырып, ауыр пулеметпен бірнеше жауынгерін жойды. Ақбауовқа осы ерлігі үшін КСРО Жоғары Кеңесі Төралқасының Жарлығымен Кеңес Одағының Батыры атағы берілді (17.10.1943). 1946 ж. капитан Ақбауов запасқа шықты. Туған жеріне оралып, Новоорск кентінде жұмыс істеген. Ленин, 1-дәрежелі Отан соғысы ордендерімен, медальдармен марапатталған.