Оразке Уақбаев

Оразке Уақбаев (т. ж. б. - 1952) - Абай мұрасын жинаушы.

Тобықты руынан шыққан, бұрынғы Шыңғыс болысының азаматы. Кейін Семей облысының Ново-Покровка ауданын мекен еткен.

Абай өлеңдерін 1895-1900 ж. жазып алған. Оразке қолжазбасын 1951 ж. 28-қазанда Абайдың Семейдегі әдеби-мемориал. музейіне тапсырған. Қолжазбада ақынның 13 өлеңі көшірілген. Бұлардың ішінде 11 өлең бұрыннан белгілі шығармалар. Белгісізі - «Ақылды әдет жеңбегі...» деп басталатын 3 шумақ өлең мен атақты «Сегіз аяққа» үқсас «Тереңнен қӨзғап...» деп басталатын туынды. Бұл екі өлең де ақын шығармаларының бұрынғы басылымдары мен қолжазбаларында жоқ.

Оразке қолжазбасы Абайдың бұрыннан белгілі бірқатар өлеңдерін текстологиялық жағынан түзетуге мүмкіндік береді. Алжоғарыда аталған 2 өлеңніңақынныңтөл туындысы екендігі әлі де дәйекті дәлелдеуді қажет етеді.