Ораз Оңғалбаев
Ораз Оңғалбаев (1860, қазіргі Маңғыстау ауданы Тиген ауылы – 1913, Құлбарақ қорымында жерленген) – болыс, өнерпаз. Маңғыстаудың белгілі шебері Қаражүсіптің немересі.
| Ораз Оңғалбаев | |
| Туған күні | |
|---|---|
| Туған жері | |
| Қайтыс болған күні | |
| Қайтыс болған жері | |
| Мемлекет | |
| Мамандықтары | |
| Жанрлары | |
Өмірбаяны өңдеу
Жергілікті тұрғындардың арасында алғашқылардың бірі болып, Форт-Александровск (қазіргі Форт-Шевченко) қаласындағы орыс-қазақ мектебінде білім алған. Уездік кеңсенің тілмашы, уезд бастығының жәрдемшісі, Бозащының болысы болып қызмет атқарған.
Оңғалбаев қазақ балаларының орысша оқып білім алуы үшін еңбектенген. Бұл істе алдымен өзі үлгі көрсетіп, туысы Қонарбайды және баласы Нұрсұлтанды орыс мектебіне оқуға берген.
Ол сонымен қатар өзі ән шығарған өнерпаз; Оңғалбаевтың бір әні «Ораздың әні» деген атпен А.В. Затаевичтің «Қазақ халқының 1000 әні» жинағына енген. Бұдан басқа «Сұлу Қаншымның әні» деген әні белгілі.
Қаражүсіптің немерелері Игібай мен Кенжебай 1917 ж. Оңғалбаев мазарының басына ескерткіш орнатқан.[1]
Дереккөздер өңдеу
- ↑ «Қазақ Совет энциклопедиясы» (12 томдық), Алматы, 1972 – 1978;