Орал-Ембі мұнайлы ауданы (монография)

Орал-Ембі мұнайлы ауданы - 1960 жылы Алматы қаласындағы Қазақ мемлекеттік баспасынан орыс тілінде жарық көрген монография, көлемі 11,8 баспа табақ, онда 24 сурет, 63 кесте және 169 әдебиет қамтылған. Еңбек кіріспеден, 6 тараудан тұрады. Авторы - Т.Шәукенбаев. Алғы сөзін жазған академик Қаныш Сәтбаев. Ол еңбекте Орал-Ембі мұнайлы ауданының даму тарихы және экономика игерілу болашағы нақты материалдар негізінде баяндалғанын және онда бұл ауданның өзіне тән табиғи ерекшелігі мен оны игерудің қиыншылығы, мұнай байлығын тиімді игерудің жолдары да қарастырылғанына тоқтала келе, Шәукенбаевтың еңбегі Қазақстандағы маңызды экономика аудандардың бірі - Орал-Ембі бассейнінің табиғи байлықтарын игеру мәселелеріне арналған алғашқы монографиялардың бірі болғандықтан да бағалы еңбек болып табылады деген баға берген.