Орал ауыл шаруашылық колледжі

Ауыл шаруашылық колледжі — Батыс Қазақстан облысындағы орта кәсіпік білім беру оргалығы. Ол алғаш 1950 ж. 15 желтоқсанда «Орал ауыл шаруашылығын механикаландыру техникумы» ретінде құрылған. 1963 ж. 19 шілдеде техникум Орал қаласынан Берлі кентіне көшірілді. 165-Бөрлі ауыл шаруашылығы механикаландыру техникумының практикалық сабақтары аудан орталығындағы жөндеу-техникалық станциясында өткізілді. 1965 ж. 240 орындық оқу үйі, спорт зал, 100 орындық асхана үйі, практикалық сабақтар лабораториясы болды. 1967 ж. бұрынғы «Пугачев» кеңшарының жерінен оқу-тәжірибе алқабы бөлініп, қора-жайларымен мал берілді. 1966 жылға дейін техникум техник-механиктер, кейін ауыл шаруашылығы өндірісіне бухгалтер есеп мамандарын даярлады. Қазіргі «мемлекеттік коммуналдық-қазыналық кәсіпорын» статусын алған оқу-орнында экономикалық, бухгалтерлік есеп, мұнай және газ өнеркәсібін бақылау, қаржы, фермер (шаруа) қожалықтарын ұйымдастыру, өнеркәсіп орындарын электрмен жабдықтау, мұнай және газ ендеу, жылу техникасын және жылумен қамту жүйесін пайдалану мамандықтары бойынша кадрлар даярлайды. Сырттай оқыту бөлімдері де бар. Оқу орны құрылғалы бері 30,0 мың маман даярлаған. Колледжде 110-нан аса оқытушы мен лаборант, өндірістік оқыту шеберлері сабақ береді. 42 оқу кабинеті компьютермен, т.б. техникалық құралдармен, макеттермен, плакаттармен жабдықталған.

Пайдаланған әдебиттер

<references>