Орал педагогикалық колледжі

Орал педагогикалық колледжі , Ж.Досмұхамедов атындағы - облыстағы орта кәсіптік білім беретін оқу орны. Оның тарихы Орал қаласында 1913 ж. ашылған семинария мен 1920 ж. ашылған педагогикалық техникумнан басталды. Алғашқы оқу орны кейінгі жылдары педагогикалық училище (1937), педагогикалық колледж (1994) болып өзгерді.

1997 жылдан колледжде бастауыш сыныпта оқыту, ағылшын тілі, қазақ мектептерінде орыс тілін оқыту, мектепке дейінгі тәрбие, ән- күй, еңбек тәрбиесі, дене тәрбиесі факультеттері бар. Сырттай оқу бөлімі жұмыс істейді. Мұнда 94 жоғарғы білімді және категориялы оқытушы сабақ береді, олардың 2-і ғылым кандидаты. Колледжде оқу-тәжірибе жұмыстары бойынша 5 бағытта ғылыми-тәжірибе, 8 бағытта методикалық жұмыстар жүргізіледі. 38 оқу кабинеті, 2 компьютерлік сынып, 2 лингофон кабинеті, кітапхана (қоры — 40 мың дана), ЭЕМ лабораториясы бар. Оқу орнында Ж.Құрманғалиева, В.С.Авдеенко, Ү.М.Ысқақова, Н.М.Неусыпова, Н.Г.Красников, В.П.Попов, С.К.Алиева, Л.И.Белоконь, К.С.Жұмасова, т.б. тәжірибелі ұстаздар еңбек еткен. Колледж директоры Ш.Х.Құрманалина «Математиканы оқыту методикасы» атты электронды оқулық жазған. Орал педагогикалық колледжі 2000 ж. өткен «Республиканың таңдаулы колледжі» байқауында үздіктер қатарынан табылып, жүлделі орын иеленді.