Орман хикаясы

«Орман хикаясы» — толық метражды көркем фильм. 1972 ж. Қазақфильм студиясы шығарған.

Орман хикаясы
Лесная баллада
Жанры	көркем фильм
Режиссёрі	Нұрмұхан Жантөрин, Цой Гук Ин
Сценарийдің авторы	Әди Шәріпов, Александр Витензон
Басты рөлдерде	Бағлан Ержанова
Операторы	Әбілтай Қастеев
Композиторы	Сыдық Мұхамеджанов
Кинокомпания	Қазақфильм
Мемлекет	КСРО
Тілі	орыс
Шыққан жылы	1972

Сюжеті

Фильм белгілі жазушы Әди Шәріповтің «Партизан қызы» хикаясы негізінде түсірілген.

Соғыстың алғашқы күндері кеңес офицерінің он жасар қызы Айгүл шешесінен айырылады. Әбден күйі кеткен, ауру қызды қарт диірменші мен оның немересі Федя фашистерден жасырып қалады. Балалардың көз алдында немістер партизандармен байланысы бар деп Федяның атасын өлтіреді. Балалар жалғыз қалады.

Партизандарды іздеудегі жаппай тінту кезінде немістер қазақ қызын анықтайды. Оған неміс Фольмердің әйелі үшін экзотикалық сувенир ретінде Германияға жөнелту төнеді. Федя ауылдастардың көмегімен Айгүлді немістерден алып қашады. Бірақ батыл қыз ауылдың әрбір алтыншы тұрғынын дарға асу бұйрығы шыққан соң немістердің алдына шығады. Жазалаушылар масайрауға дайын болған кезде, партизандар алаңды қоршайды.

Рөлдерде

• Айгүл — Бағлан Ержанова
• Вера — Наталья Сергиевская
• Федя — Яков Овчуков-Суворов
• Тимофей ата — Даниил Ильченко
• Мария — Елена Авакова
• Мүя — Әбітай Мұсабеков
• Петер — Алексей Чеботарев
• Фольмер — Валерий Струков
• Прошка — Даниил Нетребин
• Криволапов — Игорь Боголюбов