Орта Азия мен Қазақстандағы он алтыншы жылғы көтерілісі

«Орта Азия мен Қазақстандағы он алтыншы жылғы көтерілістер» – құжаттар жинағы. Редакциясын басқарған АУЫЛЫВ.Пястковский. 1960 жылы КСРО Ғылым Академиясы баспасында орыс тілінде жарық көрген. Бұл еңбек КСРО Ғылым Академиясы Тарих институтының, Қазақстан Ғылым Академиясының Тарих, археологиялық және этнография институты, Қырғызстан Ғылым Академиясының Тарих институты, Түрікменстан Ғылым Академиясының Тарих, археол және этнография институты, Өзбекстан Ғылым Академиясының Тарих және археол. институты және КСРО Бас архив басқармасының қатысуымен шығарылған.
Кітап 10 бөлімнен тұрады:
1) «Бұратаналарды майданның тыл жұмыстарына шақыру және патша әкімшілігінің қосымша жарлықтары»;
2) «Орта Азиядағы көтеріліс» (бүкіл Түркістан ген.-губернаторлығына қатысты шолу құжаттары);
3) «Самарқанд облысындағы көтеріліс» (Өзбекстан, Солтүстік Тәжікстан, Оңтүстік Қырғызстанның бір бөлігі);
4) «Ферғана облысындағы көтеріліс» (Өзбекстан және Оңтүстік Қырғызстан);
5) «Сырдария облысындағы көтеріліс» (Өзбекстан, Қазақстан, Қарақалпақстан, Солтүстік Қырғызстанның бір бөлігі);
6) «Жетісу облысындағы көтеріліс» (Қазақстан және Солтүстік Қырғызстан);
7) «Закаспий облысындағы көтеріліс» (Түрікменстан, Қазақстанның бір бөлігі);
8) «Ақмола, Семей және Орал облыстарындағы көтеріліс»;
9) «Торғай облысындағы көтеріліс»;
10) «Көтерілісті басып-жаншу.
Патша өкіметінің қуғын-сүргіні. Буржуазияшыл-ұлтшыл элементтердің көтерілістегі рөлі».
Жинақ соңында «Ескертпелер мен көрсеткіштер» деген қосымша терминологиялық сөздік берілген.

Mongolia