Орта Арғын ауданы
Орта Арғын ауданы — 1920 жылдың мамырынан 1922 жылдың шілдесіне дейін болған Қазақ АСКР Ақмола губерниясы Атбасар уезінің әкімшілік бөлінісі.
| Аудан | |
| Орта Арғын ауданы | |
| Әкімшілігі | |
|---|---|
| Ел | |
| Кіреді | |
| Әкімшілік орталығы |
Қаракөң мекені |
| Тарихы мен географиясы | |
| Құрылған уақыты |
1920—1922 |
Тарихы
өңдеуОрта Арғын ауданы 1920 жылы 11 мамырда Ақмола губерниясы Атбасар уезінің құрамында құрылды. Қаракөң мекені аудан орталығы болып белгіленді. Аудан 18 көшпелі болыстардан тұрды: Алексеев, Әлкен, Амантай, Атбасар, Бесоба, Теңіз, Жаңатеңіз, Жарқайың, Екінші Жарқайың, Кеңтүбек, Қызылкөл, Керей, Майлы, Саратов, Столыпин, Тарақты, Терісаққан, Тоқтауыл.
1922 жылы 17 ақпанда Екінші Жарқайың болысы Жарқайыңға, Кеңтүбек мен Тарақты болыстары — Бесобаға қосылды.
1922 жылы 27 ақпанда Қызылкөл, Саратов, Тоқтауыл болыстары Терісаққанға қосылды.
1922 жылы 14 наурызда Әлкен мен Столыпин болыстары Теңізге, Атбасар — Амантайға, Жаңатеңіз — Керейге, Майлы — Амантай мен Керей арасында бөлінді.
1922 жылы 26 шілдеде Орта Арғын ауданы таратылып, оның құрамындағы болыстар Атбасар уезінің тікелей қарамағына берілді[1].
Дереккөздер
өңдеу- ↑ Қазақстанның әкімшілік-аумақтық бөлінісі туралы анықтама (1920 ж. тамыз - 1936 ж. желтоқсан) / Базанова Ф. Н. — Алматы: Қазақ КСР ІІМ мұрағат басқармасы, 1959. — 282 б. — 1500 таралым.