Ор артезиан алабы

Ор артезиан алабы (Орский артезианский бассейн) — Ақтөбе облысындағы алап. Ор өзенінің сол жағалаулық бөлігінде, Оңтүстік Оралтау мен Солтүстік-Батыс Мұғалжар сілемдерінің арасындағы тектоникалық ойыста қалыптасқан. Негізгі сулы қабат төменгі карбонның, ортаңғы юраның жыныстарында орын алған. Төменгі карбон тұщы суы (минералдылығы — 0,6-1,2 г/л) 40-130 м тереңдіктен шығады, үңғымалардың өнімі тәулігіне 250—4500 м³. Ортаңғы юра суы алаптың шет жақтарында 30-50 м, ортаңғы бөлігінде 200—350 м тереңдікте жатыр. Үңғыманың тәуліктік өнімі — 10— 450 м³. Минералдылығы — алаптың шет жақтарында 0,3—0,2 г/л, ортаңғы бөлігінде және қат-қабатгың төменгі жақтарында 1,5—6,6 г/л-ге жетеді. Карбон шөгінділеріндегі тұщы судың ғасырлық қоры 3- 5 млрд. м³-ге, юра шөгінділеріңдегі тұщы және сәл тұзды сулар қоры 10 млрд. м³ шамасында. Алаптағы егін және мал суаруға жарамды судың болжамдық қоры тиісінше жылына — 10—15 млн. м³ және 40-45 млн. м³.

Артезиан алабы,Saturation level-су деңгейі,Artesian well - артезиан ұңғымасы