Оспан Бапишев

Оспан Бапишев (1881-1957) - Орта Азия мен Қазақстанда Кеңес үкіметін орнату және нығайту ісіне, азамат соғысына белсенді қатысушы. Сырдария облысының Ташкент уезіндегі Жаушықұм болысында (Қазіргі Түркістан облысы) туған. 1917 жылдан Коммунисттік Парияның мүшесі. 1905 жылға Ташкенттегі революциялық қозғалысқа қатысты. 1906 ж. Баку полициясы Бапишевті «саяси күдікті және қауыпты адам» деп түрмеге отырғызды. Қатардағы солдат болып 1-ші дүниежүзілік соғысына қатысты. 1918 ж. Әндіжан қалалық аткомының төрағасы, Түркістан республикасының қорғау әскерисаяси штабы президиумының мүшесі, Закаспий майданында тұңғыш мұсылман Қызыл Әскердің ұйымдастырушыларының бірі және оның тұңғыш командирі. 1919-22 ж. Закспий майданы әскери-далалық сотының төрағасы. Төтенше әскери-тексеру комиссияның төрағасы, азық-түлік жабдықтау отрядының колмандирі. Соңынан Оңтүстік Қазақстанда Красный партизан колхозын ұйымдастырып, оны басқарды. Өмірінің соңғы жылдары одақтық дербес пенсияда болды .