Охас Қасанов

Охас Қасанов (1932, Бегайдар ауылдық кеңесі Новобогат ауданы Гурьев облысы — мамыр 1978, Гурьев) — қазақ, әділет кеңесшісі, тергеу бөлімінің бастығы, Гурьев облысы прокуратура

Охас Қасанов
Туған күні	1932 (1932)
Туған жері	Бегайдар ауылы, Новобогат ауданы Гурьев облысы
Қайтыс болған күні	1978 (1978)
Қайтыс болған жері	Гурьев
Азаматтығы	КСРО  Қазақ КСР  Қазақстан
Жұбайы	Рижа Дүсіпова
Марапаттары мен сыйлықтары

Өмірбаяны

Қасанов Охас 1932 (болжам) жылы Бегайдар ауылы Новобогат ауданы Гурьев облысында дүниеге келген. Руы Есентемір, Бердімбет бөлімі Кіші жүзден тараған. Өзінің еңбек жолында әділет органдарында қызмет атқарған. Гурьев және Маңғыстау облыстарында прокуратура органдарында қызмет атқарған. Маңғышлақта қызмет атқарған кезеңде халық депутаты болып сайланған. Бүкілодақтық КСРО-ның тергеу қызметкерлерінің кеңесіне қатыскан, ҚазКСР заңгерлер алқасы, қоғамдық қызметпен белсенді айналысқан.

Мансап жолы

1949 жылы Алматы Мемлекеттік заң институтына түсіп, институтты 1953 жылы Заңгер мамандығы бойынша бітірді

1953. Институтты аяқтағаннан кейін Гурьев облысында Қызылқоға ауданы Қарабау округінде қызмет жолын бастаған.

25 мамырда 1954 жыл. КСР Одағының Бас Прокуроры Руденко Р. Қызылқоға ауданы прокуратурасының тергеушісі Қасанов Охасқа Кіші заңгер шенін беру туралы қаулы етті.

28 ақпан 1956 жыл. КСР Одағының Бас Прокуроры Руденко Р. Гурьев облысы прокуратурасының аға тергеушісі Қасанов Охасқа 2-санатты заңгер шенін беру туралы қаулы етті.

14 шілде 1958 жыл. КСР Одағының Бас Прокуроры Руденко Р. Гурьев облысы прокуратурасының аға тергеушісі Қасанов Охасқа 1-санатты Заңгер шенін беру туралы қаулы етті.

1958 жылы жұмыс барысымен Гурьев қаласына ауыстырылды.

28 маусым 1961 жыл. КСР Одағының Бас Прокуроры Руденко Р. Гурьев облысы прокуратурасының тергеу бөлімінің қызметкері Қасанов Охасқа Кіші әділет кеңесшісі шенін беру туралы қаулы етті.

1961-1965 жылдары жұмыс барысымен Гурьев қаласынан Гурьев облысы Шевченко ауданына ауыстырылды, Форт-Шевченко қаласы

Гурьев облысы Шевченко ауданы прокуроры, кіші әділет кеңесшісі.

1 ақпан 1964 жылы Шевченко ауданының таратылуына байланысты Прокурор қызметінен босатылып, Маңғыстау аудандық прокуратура және прокурордың көмекшісі қызметіне тағайындалды

3 наурыз 1963. Шевченко қаласының халық депутаттар кеңесінің депутаты, Өзен сайлау округі

24 наурыз 1964 жылы көмекші қызметінен босатылып Маңғыстау ауданы прокурорының қызметіне тағайындалды, Прокуратурасының Аға тергеушісі, Гурьев облысы,

1964-1978. Гурьев облысы прокуратурасының тергеу бөлімінің басшысы болып жұмыс істеген.

28-30 маусым 1966 жыл Мәскеуде Бүкілодақтық КСРО Кеңестік тергеу қызметкерлерінің қатысушы.

6 қыркүйек 1966 КСР Одағының Бас Прокуроры Руденко Р. Гурьев облысы прокуратурасының тергеу бөлімінің басшысы Қасанов Охасқа Әділет Кеңесшісі шенін беру туралы қаулы етті.

Жеке өмірі мен отбасы

Әкесі - Хасан Сұлтанов (1890-1975), арасында өте қадірлі, сауатты болған адам, Гурьев қаласынан Астрахань қаласына қарай 120 шақырым жерде Молшағыл деген қыстақта өмір сүріп, Чапаев совхозына қарасты «Заготскот» конторына мал дайындаумен айналысты. Екі кіші інісі Құлмәжит (1903-1945) және Құлбарақ (1905-1942) Ұлы Отан соғысынан оралмады.

Сұлтанов Құлмәжит әскер қатарына 1941 жылы шақырылып Ұлы Отан соғысына басынан аяғына дейін қатысқан. Богдан Хмельницкийдің қызыл ту орденді 12-артиллерия бұзып өту дивизиясының құрамында 2-батареяның миномет оқтаушысы (заряжающий) болған. Жасаған ерліктері үшін “Ерлігі Үшін" (За Отвагу) медалін алған. 1945 жылдың 4 ақпанында болған соғыста қаза тапты. Жерленген жері – Польшаның Познань қаласы.

Сұлтанов Құлбарақ 1939 жылы әскер қатарына шақырылып, Кеңес-фин соғысына қатысқан. Ұлы Отан соғысы басталғанда Украинада 1941 жылдын маусым айында 196 Атқыштар дивизиясының қатарында болған. Осы дивизияның қатарында, ұрыс салып шегініп отырып 1942 жылы Сталинградқа дейін жеткен. Соңғы ұрысқа 1942 жылдың тамыз айында қатысып, Сталинград үшін болған соғыста қаза тапты.

Хасан жақсы өмірді өзгертудің маңыздылығын түсіне отырып қалаға көшіп балаларына жақсы білім алуына үлкен ықпал жасаған. Анасы - Ағиба Тәлтен қызы (1907-2003), "Ана Даңқы" орденінің иегері. Отбасында үлкен қызы Жібек (1928-1982) және алты ұлдары Охас (1932–1978), Жақсен (1936–2003), Дәуіт (1938–2002), Закария (1940–2002), Пангерей (1942–1984), Салимгерей (1945–2001) тәрбиелеп өсірген.

Әйелі - Рижа Дүсіпова (1932-2011), физика және математика пәнінің мұғалімі, Қазақ ССР Халық Ағарту ісінің Үздігі.

Балалар: Амандос (1957), Аманбай (1959), София (1964) және Ілияс (1968).

Үшінші ұлы дүниеге келгенде Васнецовтың "Три богатыря" төсеміне тапсырыс берген, бұл отбасында ерекше құрметтейтін нәрсе болып табылады.

Марапаттары

Қоғамдық тәртіпті қорғау жөніндегі үздік қызметі үшін медалі (1966)

"Милицияның 50 жылдығына» мерейтойлық белгі (1967)

«Советтік прокуратураға 50 жыл» мерейтойлық белгі (1967)

Құрметті диплом (1967)

"1941-1945 Ұлы Отан соғысындағы Жеңіске 30 жыл" мерейтойлық медалі (1975)