Павел Васильевич Коваленко

Павел Васильевич Коваленко(1916, Солтүстік Қазақстан облысы,Петропавл қаласы - 1949, Украина, Луганск облысы,Сватово қаласы) - 2-дүниежүзілік соғысқа қатысушы, взвод командирі. Коваленко Ұлы Отан соғысының алғашқы күндерінен бастап жаумен кескілескен ұрыстарға қатысты. Бірде, Коваленко өз қарамағына 24 жауынгердің басын қосып, Минск - Мәскеу тас жолына шықты. Қоршауда калган топ неміс автокөлігін қолға түсіpiп, жан-жақтан бораған оққа қарамастан, асқан жылдамдықпен қоршауды бұзып шықты. 1941 жылдың күзінде «КВ»пушкісін жүргізуші Коваленко Мәскеуді қорғауға қатысты. Наро-Фоминск ауданындағы қарсы шабуылында ол алғы шепке өтіп, жаудың 2 танкісі мен 3 батареясын жойды. Жауды өкшелей қуып отырып, жаудың 2 бронды машинасы мен 1 жеңіл танкісін жойып жіберді. Қала ішінде Коваленко танкісі өртеніп, бір колынан жараланды. Экипаж өздерін қоршаған неміс автоматшыларымен шайқасты. 1944 жылдың 28 маусымында Могилев қаласына (Беларусь Республикасы) бірінші болып кіріп, оқ-дәрісі біткен кеңес әскерлері ауыр жағдайға ұшырады. Сол кезде Коваленко өз байланысшысы екеуі немістер тұрған жерге жасырын барып, олардың бір офицері мен екі әскерін жойды. Жауға қарсы көптеген ұрыстарда көрсеткен ерекше ерлігі мен батырлығы үшін Коваленкоға КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (24.3.1945). Сондай-ақ ол Қызыл Ту, Александр Невский, 1 және 2-дәрежелі Отан соғысы, «Қызыл Жұлдыз» ордендерімен, «Ерлігі үшін» және «Жауынгерлік ерлігі үшін» медальдарымен марапатталды. Соғыстан кейін ол Луганск облысындағы Сватово қаласында тұрды.