Павел Павлович Журба

Павел Павлович Журба (1916, Шығыс Қазақстан облысы,Күршім ауданы,Дарственное селосы – өлген жылы белгісіз) - 2-дүниежүзілік соғысқа қатысушы, сержант, бөлімше командирі. Ол «Золотопродснабтың» Манка кенішінде, одан соң «Алтай алтын» тресінің Алқабек кенішінде (Шығыс Қазақстан облысы,Күршім ауданы) жұмыс істеген. 1937-39 жылы Қиыр Шығыста (Ресейдің Тынық мұхит жағалауы) Кеңес әскері қатарында қызмет атқарған. 1938 жылы Хасан көлі маңында (Қиыр Шығыс, Приморье өлкесі) болған ұрысқа катысқан. Журба Ұлы Отан соғысы басталысымен майданға аттанып, 38-атқыштар дивизиясы 12-жеке сапер батальонында ұрыстарға қатысты. 1943 жылдың 12 қазанында жаудың берік қорғап, жасырып қойған танкілерінің қайда екенін табу керек болды. Журба жасырған танкілерді тауып, оларды жойды. Днепр өзенінен өтер кезде Журба ерекше көзге түсті. Ол өз тобындағы 6 адаммен бірлесіп, танкіге қарсы ататын 15 зеңбіректі, 6 азық- түлік пен 26 көлікті Днепр өзенінің оң жағасына жеткізді. Көрсеткен ерліктері мен тапқырлығы үшін Журбаға КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (10.1.1944[1]).

1944 жылы Журба ауыр жараланып, ұзақ уақыт госпитальда болды. Кейін туған жеріне оралып, Өскемен қаласында нұсқаушы, «Бурабай» кенішінің бастығы, «Нарынқалайы» кен басқармасын басқарды. Кейіннен Ішкі істер органдарында қызмет істеген.[2]

Дереккөздер өңдеу

  1. Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 января (№ 3 (263)). — С. 1
  2. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х