Пайда нормасы

Пайда нормасы – пайданың авансыланатын капиталға қатынасы. Шаруашылықты жүргізу тиімділігінің‚ кәсіпкердің қолда бар өндіріс ресурстарын неғұрлым ұтымды пайдалана білуінің өлшемі ретінде қолданылады. Пайда нормасының шамасы (% есебімен көрсетіледі) қосылған құнның нормасына және капиталдың табиғи құрылымына байланысты, яғни ол авансыланатын капиталдың көлеміне ғана емес‚ сонымен бірге оның құрылымына да байланысты. Оған капиталдың айналымы да елеулі ықпал етеді – ол жыл бойына неғұрлым көп айналса‚ норма да солғұрлым жоғары болады. Пайда нормасының құрылымы: фирманың меншікті капиталының құны; сала бойынша орташа Пайда нормасы; нақты фирма пайдасының нормасы. Пайда нормасы – нарықтық экономиканың басты санаттарының бірі. [1]

СілтемелерӨңдеу

ДереккөздерӨңдеу

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том