Пайыз торғай

Пайыз торғай (лат. Carduelis carduelis) – Қунақ тұқымдасының бір түрі. Дене тұрқы 13-16 см, салмағы 16-22 г. Маңдайы мен тамағының асты қызыл, арқасы мен бауыры қоңыр, қанатының үсті ашық сары жылтыр. Ол Еуропа, Солт. Африка, Азияда таралған. Қазақстанда Көкшетау, Семей облыстарында, Алтайда, Іле, Талас Алатауында тоғайлы, шабындық жерлерде, бау-бақша, парктерде кездеседі. Ұясын ағаш басына жасап 4-6 көкшіл жұмыртқа салады, жылына екі рет 12-13 күнде балапан басып шығарады. Пайыз торғай арам шөп тұқымын және зиянды насекомдарды жеп пайда келтіреді. Жақсы сайрайтын құс.