Папаригас Димитрис

Папаригас (Paparegas) Димитрис (22. 2. 1896, Волос,—20. 2. 1949, Афины) — Грекия жұмысшы қозғалысының қайраткері. 1922 жылдан Грекия коммунистік партиясының (ГКП) мүшесі. 1927—31, 1934—35 ж. ГКП ОК-нің, 1927—31 ж. Саяси бюросының, 1945—46 ж. ГКП Орталық бақылау комиссиясының мүшесі. 1928 ж. октябрьде Лаврион кеншілерінің ереуілін басқарды. 1929 жылдан Унитарлық жалпыға бірдей еңбек конфедерациясы Аткомының мүшесі, 1946 жылдан оның бас хатшысы болып сайланды. 1930, 1936—44 жылдары түрмеде отырды. 1944 жылы Хайдари тұтқын лагерінен қашып шықты. 1944—45 жылдары ГКП Афины қалалық комитетінің хатшысы. 1946 жылдан Кәсіподақтардың бүкіл дүниежүзілік федерациясы Аткомының мүшесі. 1948 жылы қайта тұтқындалып, түрмеде өлтірілді.[1]

Дереккөздер өңдеу

  1. Қазақ Совет Энциклопедиясы,9 том