Пархоменко Александр

Пархоменко Александр Яковлевич [12(24).121886, Ворошиловград облысы, Краснодон ауданы, - 3.1.1921, Черкасск облысы, Жашковск ауданы] – 1918-20 жылдары Азамат соғысының батыры. 1904 жылдан Компартия мүшесі. 1900 жылдан Луганск паровоз жасау з-нда жұмысшы болып істеді, рев. қозғалысқа белсене қатысты, 1905-07 жылдары жауынгерлік жасақ ұйымдастырды, Макаров Яр с. шаруаларының көтерілісін басқарды. Бірнеше рет тұтқындалды. 1916 жылы Луганск патрон з-дында саяси стачканы басқарушылардың бірі болды, сол үшін армияға жіберілді. 1917 жылы Февр. революция кезінде солдаттардың отрядымен Москвадағы Марьинск полиция учаскесін қарусыздандыруға қатысты. Луганскідегі Қызыл Гвардия отрядын ұйымдастырды, Донбасста Совет Өкіметін орнатуға қатысты, календинщинаға, Орталық радаға қарсы күресті, 1918-20 жылдары отряд, бронепоезд командирі, герман басқыншыларына қарсы ұрыста және Царицынды қорғау кезінде 5- Украина армиясыштабының армиясы штабының айрықша өкілі, 10- армия рев. әскери советінің айрықша өкілі, Харьков әскери округын жабдықтау жөніндегі өкілі, григорьевщинаны талқадау кезінде әскерлер тобына басшылық етті, 1- атты армия рев. әскери советенің айрықша өкілі, 14- атты әскер дивизиясының бастығы. Махношылармен ұрыста қаза тапты. 2 рет Қызыл Ту орденімен марапатталған. [1]

ДереккөздерӨңдеу

  1. Қазақ совет энциклопедиясы