Перу ағысы

Перу ағысы (Гумбольд ағысы) — Тынық мұхиттың суық беткі ағысы, Батыс Желдер ағысының бір тармағы. Судың температурасы 15 — 20^оС, жылдамдығы шамамен 0,9 км/сағ. Су ағымы 15 — 20 млн. м³/с. Перу мен Чилидің батыс жағалауларын бойлай 45^o және 4^o о. е. аралығында оңтүстіктен солтүстік бағытқа қарай қозғалып, қоңыржай белдеу суын экваторға дейін алып барады. Перу ағысы мұхиттық, жағалық және олардың аралығынан оңтүстікке бағытталған Перу — Чили қарсы ағыстарынан тұрады; 4^o о. е. маңында батысқа бұрылып, Оңтүстік Пассат ағысына қосылады. Перу ағысы құрлық жағалауында ауа температурасының төмендеуіне және жауын-шашынның аз түсуіне (Атакама шөлі) әсер етеді.

Дереккөздер

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VII том

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.