Петр Антонович Плешков

Петр Антонович Плешков(22.8.1904, Ресей, Нижегород облысы,Чернов ауданы,Склягино селосы - 1.2.1961, Шығыс Қазақстан облысы,Семей қаласы) - 2-дүниежүзілік соғысқа катысушы, гвардия майоры, 225- гвардиялық атқыштар полкінің командирі,орыс.Орта мектептен кейін Новосібірдегі педагогикалық кооператив курсын, 1927 жылы жаяу әскер мектебін бітірген. 1942 жылдың шілде айынан бастап Ұлы Отан соғысына қатысты. Батальон командирі Плешков Сталинград түбіндегі шайқаста жаудың бірнеше шабуылына тойтарыс берді. 1943 жылдың тамызынан бастап полк командирі болды. Днепропетровск облысы,Верхнеднепровск ауданы,Домоткань селосы маңында (Украина) Днепр өзенінің бойында ұзындығы 2 шақырым болатын плацдарм құрып, жаудың шабуылына тойтарыс берді. Плешковқа осы ерліктері үшін КСРО Жоғарғы Кеңесі Тералқасының Жарлығымен Кеңес Одағының Батыры атағы берілді (26.10.1943). Сондай-ақ Ленин, Александр Невский, «Қызыл Жұлдыз», 1-дәрежелі Отан соғысы ордендерімен және медальдармен марапатталды. Соғыстан кейін Семей қаласында тұрып, еңбек етті.