Петр Гаврилович Дмитриенко

Петр Гаврилович Дмитриенко

Петр Гаврилович Дмитриенко

1958 жылы 25 қыркүйекте Көкшетау облысы Щучье ауданының Успено-Юрьевка ауылында туған. Орыс.

Әкесі - Дмитриенко Гаврил Захарович (1925-1975). Анасы -Дмитриенко Зоя Федоровна (1929 жылы туған), зейнеткер. Ленин орденді С.М. Киров атындағы Омбы ауылшаруашылық институтын (1981) ғалым-агроном мамандығы бойынша; Қазіргізамандық гуманитарлық академияны (Мәскеу қаласы, 2007) заңгер мамандығы бойынша бітірген.

Орыс және қазақ (сөздікпен) тілдерін біледі.

«Нұр Отан» ХДП мүшесі (2001 жылдан).

1977 жылдың мамырынан тамызына дейін - Петропавл кеңшары Соколовка ауылының экономисі . 1977 жылдан - Ленин орденді С.М. Киров атындағы Омбы ауыл шаруашылығы институтының студенті. 1981 жылдан -Петропавл кеңшарының Соколовка ауылы директорының орынбасары, аға агрономы. 1984 жылдан Көкшетау облысы Соколов ауданының «Налобинский» кеңшарының Налобино ауылының бас агрономы, 1987 жылдан - партком хатшысы, кеңшар директоры. 1995 жылдан - СҚО Соколов ауданының әкімі. 1997 жылдан - СҚО Қызылжар ауданының әкімі. 2002 жылдың маусымынан - Петропавл қаласы әкімінің кеңесшісі. 2002 жылдың желтоқсанынан -СҚО Коммуналдық меншікті және жекешелендіруді басқару департаментінің бастығы. 2004 жылдан - СҚО Табиғат ресурстары және табиғатты пайдалануды реттеу департаментінің бастығы.

2007 жылдан бері - ҚР Парламенті Мәжілісі «Нұр Отан» ХДП партиялық тізімі бойынша 4-ші шақырылымының депутаты, Аграрлық мәселелер комитетінің мүшесі.

ҚазКСР Жоғарғы Кеңесінің депутаттығына кандидат (1990), Соколов мәслихатының депутаты (СҚО Соколовка ауылы, 1992-1995).

Қазақстанның Орыс, славян және казак ұйымдары қауымдастығының Солтүстік-Қазақстан бөлімшесінің төрағасы.

«Құрмет» орденімен (2001); «Астана» (1998), «Қазақстан Республикасының тәуелсіздігіне 10 жыл» (2001), «Кеңес әскерлерінің Ауғанстаннан шығарылуының 15 жылдығына естелік» (2004), «Тыңға 50 жыл» (2005), «Қазақстан Конституциясына 10жыл» (2005), «Қазақстан Парламентіне 10 жыл» (2006) медальдарымен марапатталған.

Әскери атағы - запастағы подполковник.

Діни көзқарасы - атеист.

Саяси қайраткер ретіндегі идеалы - Н.Ә. Назарбаев.

Қазақстанның болашағы туралы болжамы - «Өркендей беретін ел».

Хоббиі - саятшылық, балық аулау.

Сүйіп оқитын әдебиеті - тарихи романдар.

Үйленген. Жұбайы - Дмитриенко Валентина Григорьевна (1957 жылы туған), кәсіпкер. Ұлы - Дмитрий (1979 жылы туған); қызы -Дарья (1983 жылы туған).