Петр Иванович Кафаров

Петр Иванович Кафаров, Архимандрит Палладий (1817 жыл 29 қыркүйек - 1878 жыл 18 желтоқсан) - орыстың шығыстанушы ғалымы.

Петр Иванович Кафаров

ӨміріӨңдеу

Қазан семинариясы мен Петербургтің діни академиясында оқыды. 1840 жылы орыстың діни миссиясының құрамында Пекинге жіберіліп, сонда ара-кідік үзілістермен 38 жыл тұрды. Оның аударма зерттеулері Қытайдың, Моңғолияның ертедегі дәуірін, маньчжурлардың, қидандардың т.б. көшпелі тайпалардың тарихын зерттеуге арналды. Кафаров «Шыңғысхан туралы ертедегі моңғол аңызы», «Даос монахы Чан Чунның Батысқа саяхаты» (1866), «Шыңғысхан туралы ертедегі қытай аңызы» (1877) атты моңғол тарихы жөніндегі қытай ескерткіштерін аударды, оның еңбектері жоғары бағаланды. Кафаровтың Моңғолия арқылы Қытайға жасаған саяхаты, Пекинде болған кезінде жазған күнделіктері бұл елдердің тарихы мен географиясы туралы құнды деректер береді. Ол жасаған «Қытай-орыс сөздігі» (1888) - оның ғылыми жетістігінің шыңы болды.[1]

ДереккөздерӨңдеу

  1. Қазақ Совет Энциклопедиясы, Алматы, 1974 ж., 5 том