Полатқосшы ауылдық округі
Полатқосшы ауылдық округі – Жамбыл облысы, Жамбыл ауданындағы әкімшілік бірлік.
| Қазақстан ауылдық округі | |
| Полатқосшы ауылдық округі | |
| Облысы | |
|---|---|
| Ауданы | |
| Округ орталығы | |
| Енеді |
1 ауыл |
| Тұрғыны (2021) |
▲9833 |
| Уақыт белдеуі | |
| Автомобиль коды |
08 |
Әкімшілік құрамы
өңдеуҚұрамына Жалпақтөбе ауылы кіреді. Орталығы – Жалпақтөбе ауылы.[1] Жер көлемі - 42749 га.
| Елді мекен | 2009 | 2021 | 2021 2009-ға пайызбен | Ерлер 2009 | Ерлер 2021 | 2021 2009-ға пайызбен | Әйелдер 2009 | Әйелдер 2021 | 2021 2009-ға пайызбен |
|---|---|---|---|---|---|---|---|---|---|
| Жалпақтөбе ауылы | 8394 | ▲9833 | 117,1 | 4148 | ▲4961 | 119,6 | 4246 | ▲4872 | 114,7 |
Ауылдық округте Чкалов атындағы орта мектеп, ауылдық клуб, кітапхана, дәрігерлік амбулатория бар.
Ауыл маңы
өңдеуАқби қыстауы - адам атымен аталған. Ақшолақ - тау сілемі беткейіндегі жазғы жайылымда ауылдық округтен 60 км жерде құрылысы белгісіз себептермен бітпей қалған Ұлы Жібек жолының бойында орналасқан Ақыртас - ежелгі құрылыс орыны бар. Алмалы - тау ішіндегі жабайы алмасы бар мал жайылымы. Байбота, Едіге - Мойынқұм өңіріндегі қысқы қыстау. Жікіл кенті - Жалпақтөбе ауылынан 2 км қашықтықта 12-ғасырға дейін өмір сүрген қаланың орны. Атауы түркі тайпасының атауынан шыққан. Көкой - құмның ортасындағы оазис сияқты көкорай ой, негізінен көктемгі жаңбыр суы жиналып, аумақ көк шалғынды, қамысты болып тұрады. Қыршынды - мал жайылымы, бүгін шөбін қырып шауып алғанына қарамастан ертеңіне шөптің қаулап шығуына байланысты қойылған атау, қазіргі Ақбастау ауылдық округіне қарасты Бірлесу еңбек ауылының оңтүстік батысындағы жер, бірақ малының көптігіне байланысты қазіргі "Юнчи" ӨК-не берілген. Қырғауылды - мал жайылымы қырғауыл құсының көптігінен қойылған. Мойынқұм құмы (Мойынға ұқсап иіліп жатқандықтан шыққан атау) өңірінде қысқы мал жайылымдары. Елқаттаған - 1927 жылы құмдағы мал-жанды есепке алу мақсатында тізімін жасаған, соған байланысты елді мекен атауы туған. Тектұрмас кесенесі - ауылдың күншығыс жағында Талас өзенінің оң жағалауындағы төбенің үстінде орналасқан. Ол жерде Әулие Сұлтан Махмуд Хан жерленген, ХІV ғасырдың көзі. Семізсаз жайылымы - Мойынқұм өңірінде шөбі шүйгін, мал оңалатын сазды жер. Сарықамыс - аудан шаруашылықтары жекешелендірілгенге дейін ауданның мал өсіретін шаруашылықтарының қысқы қыстаулары болған.[3]
Дереккөздер
өңдеу- ↑ «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, X том
- ↑ 2021 жылғы ұлттық халық санағының қорытындылары
- ↑ Жамбыл облысының топономикалық атауларының анықтамалығы