Полывянный Иван Родионович
Полывянный Иван Родионович[1] (18.1.1923, Aқмола облысы — 2004, Алматы қаласы) — ғалым, техникалық ғылымдар докторы (1974), профессор (1976), Қазақстанның еңбегі сіңірген ғылыми қайраткері (1982). Қазақ кен-металлургия институтын бітірген (1949). Металлургия және кен байыту институтында ғылыми қызметкер (1953 — 92), ІР инженерлік академиясының сараптау және болжау ғылыми-зерттеу орталығы директорының орынбасары (1992 — 2002) қызметтерін атқарды. Негізгі ғылыми еңбектері — қорғасын металлургиясындағы тотығу-қалпына келтіру процестерінің теориялық негіздері, қорғасын алудағы электротермиялық тиімді технологияны өндіріске енгізу, төмен температурадағы электротермия, өндірістегі шахта пештерінде кең көлемде зондтау тәсілінің макрокинетикасы мен механизмін зерттеу жолдарына арналған. Құрамында висмут, вольфрам және молибден кездесетін концентраттарды кешенді түрде өңдеу саласында істеген жұмыстарының нәтижелері өндіріске енгізілді. Қазақстан мемлекеттік сыйлығын алған (1972). 14 монография, 580-нен аса мақала, 90 авторлық куәлік пен 10 патенттің авторы. Полывянный “Құрмет белгісі” орденімен, медальдармен марапатталған.
Дереккөздер өңдеу
- Қазақ энциклопедиясы
- ↑ Қазақстан энциклопедиясы, VII-том
Бұл мақаланы Уикипедия сапа талаптарына лайықты болуы үшін уикилендіру қажет. |
Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |