Прага трамвайы
Прага трамвайы (чех. Tramvajová doprava v Praze) — Чехияның астанасы Прага қаласындағы қоғамдық көлік жүйесінің маңызды бөлігі. Трамвайлар Прагада алғаш рет 1875 жылы пайда болды, ал қазіргі таңда қаладағы ең кең таралған көлік түрлерінің бірі болып табылады. Қазіргі трамвай желісі шамамен 142,4 шақырымды қамтиды және 20-дан астам негізгі маршруттан тұрады. Трамвайлар қала ішінде көлік қозғалысын жеңілдетіп, туристер мен жергілікті тұрғындар үшін ыңғайлы көлік қызметін ұсынады.
| Прага трамвайы | |
|---|---|
 | |
| Жалпы ақпарат | |
| Ел |
 Чехия |
| Орналасуы | Прага |
| Операторы | «Dopravní podnik hl. m. Prahy» |
| Инфрақұрылым | |
| Жолтабан ені | 1435 мм |
| Деполар саны | 7+1 |
| Вагондар саны | 811 |
| Статистикасы | |
| Бағдарлар ұзындығы | 578,9 [1] км |
| Желілер ұзындығы | 150,3 [2] км |
| Аялдамалар саны | 275 |
| Орташа жылдамдық | 18,78 [3] км/сағ. |
| Сайты | https://www.dpp.cz |
| Прага трамвайы Ортаққорда | |
Трамвай тарихы
өңдеуАт трамвайы
өңдеу- Ат-рельс жолдарының қозғалысы 1875 жылғы 23 қыркүйекте «Карлин — Ұлттық театр» (чех. Karlín — Národní divadlo) бағыты бойынша басталды. Жолдың иесі және басқарушысы бельгиялық кәсіпкер Эдуард Оттлет болды. Бұл бағытпен театрға Ұлттық даңғыл арқылы жетуге болатын еді.
- 1876 жылы жол театрдан көп секциялы көпір арқылы Смихов вокзалына дейін ұзартылды.
- 1882 жылы ат трамвайының желісі Жижков және Патша Виноградылары қаласына дейін тартылды.
- 1883 жылы трассаның жалпы ұзындығы 19,43 шақырымға жетті. Желі Прага трамвайының Бас дирекциясының ресми ассоциациясымен басқарылды.
Электрлік трамвай
өңдеуПрагадағы электрлік трамвайдың бастамасы инженер Франтишек Кршижикке тиесілі.
- 1891 жылы Летнаде электрлік трамвайдың алғашқы трассасы ашылды, ол Летнадағы фуникулердің жоғарғы терминалынан, жергілікті мерейтойлық көрме павильонының орналасқан жерінен, қазіргі Овенецк көшесіне дейін созылды.
- 1893 жылы желі Губернаторлық виллаға дейін, шамамен 1,4 шақырымға ұзартылды.
- 1896 жылғы 19 наурызда Франтишек Кршижик тағы бір трамвай желісін ашты, ол қазіргі Флоренс ауданынан Либень және Высочаны аудандарына дейін созылды. Бірінші, көрмелік, трамвайдан айырмашылығы, бұл трасса өте қарқынды болды. Ол Прагадағы еңбек аудандарын қала ортасындағы тұрғын үйлермен байланыстырды.
- 1897 жылы жаңа Главачкова электрлік жолы ашылды. Трамвайлар Анделден Смихов — Коширже бағыттары бойынша жүрді.
- 1898 жылы Прага — Патша Виноградылары маршруты бойынша Виноградска электрлік жолы ашылды. Оның ұзындығы 5,8 км, бағытта 17 станция болды.
Андел мен Смихов арасындағы трассалардың арқасында Коширже (ол кезде қала маңы) қызмет көрсету мүмкіндігі пайда болды. Нәтижесінде Прага көлік кәсіпорны құрылды.
- 1898 жылы Прага атпен жүретін вагондар электрлік кәсіпорындар тарапынан сатып алынды. Осыдан кейін жаңа жолдарды салу және атпен жүретін вагондарды электр қозғалтқышына қосу жұмыстары басталды. 1905 жылы құрылыс жұмыстары аяқталды. Сондай-ақ, Карл көпірі арқылы соңғы конка маршруты электрлендірілді. Онда төменгі ток қабылдау (инженер Кршижиктің жобасы) қолданылды. Карлов көпірі арқылы трамвай маршруты 1908 жылға дейін жұмыс істеді.
Дереккөздер
өңдеу- ↑ Zcaptcha.(қолжетпейтін сілтеме)
- ↑ DPP. Басты дереккөзінен мұрағатталған 1 қараша 2016.(қолжетпейтін сілтеме) Тексерілді, 2 қараша 2016.
- ↑ Dopravní podnik hl. m. Prahy v datech. «DPP». Басты дереккөзінен мұрағатталған 3 қараша 2016. Тексерілді, 1 қаңтар 2016.