Придорожное мұнай-газ конденсат кен орны

Придорожное мұнай-газ конденсат кен орны (Жолмаңылық) – Оңтүстік Маңғыстау ойпаңының Өзен-Жетібай антиклинальдық баспалдағында орналасқан кен орны.

Жатыс сипаты

Мұнайлы қабаттың коллекторы терригендік, саңылаулы. Ұсақ түйірлі құмтастан құралған. Иірімдері қабаттық дөңді, тектоникалық қалқаланған. Су-мұнай жапсары – 3387 м-лік, газ-су жапсары 3844 м-лік белгілерден орын алған. Иірімнің мұнайлы бөлігінің ауданы 2 км², газды бөлігінікі – 3,8 км², биіктігі ретінше 16 және 60. Мұнайлы иірілімнің қабаттық қысымы 36,6 МПа, температурасы 135С.

Құрамы

Мұнайы жеңіл, тығыздығы 827 кг/м³, 15% парафин, 7,2% шайырлар мен асфальтендері бар. Газконденсат иіріміндегі қабаттық қысым 43,96 МПа. Ауадағы тығыздығы 0,866 г/м³. Құрамында метан 85,47%, этан 1,6%, изобутан 0,25%. Конденсатта 0,015% күкірт, 2,8% парафин бар. Қабат сулары хлоркальций типті күшті тұздықтар. Кен 1992 жылдан пайдаланылуда.