Рабат (қоныс)

Рабат, IV-VII ғғ. Маяқұм ауылының оңтүстік-шығысында, 6,5 км жерде орналасқан. Географиялық координаттары 42T 427994 UTM 4742123. 1970 жылы Отырар археологиялық экспедициясы (К. А. Ақышев Кемел) зерттеген. Тікбұрышты, жоғарғы жағы жайдақ, бұрыштары дүние тараптарына қараған төбе. Көлемі: оңтүстік-батысы мен солтүстік-шығыс 80 м, биіктігі 8 м. Ені 50 м алаң батыс жағынан жапсарласады. Төбенің жайдақ бетінің көлемі 30x25 м. Керамикадан құмыра тектес алмұрт тәрізді бүйірлі ыдыстар сынығы бар. Суағары бар ернеулер кездеседі. Кейінгі материалдардан бай ою-өрнекті қақпақтар бар. Ашық түсті ангобпен көмкеру, бедерлі штамп және кертпе оюмен әшекейленген.