Рабиға Дүйсенғалиқызы Әжіғалиева

Әжіғалиева Рабиға Дүйсенғалиқызы - 1952 жылы 17 қарашада Гурьев облысы Жылыой ауданы Тереңөзек кентінде туған. Қазақ.

Әжіғалиева Рабиға Дүйсенғалиқызы
Дүниеге келгені:	17 қараша 1952 Гурьев облысы Жылыой ауданы
Мансабы:	Атырау облысы Мұрағаттар мен құжаттамалар басқармасының бастығы

Әкесі - Әжіғалиев Дүйсенғали (1915-1999), марқұм, ҰОС қатысқан, Қазақ КСР Еңбек сіңірген өнертабысшысы, КСРО Мунай өнеркәсібінің үздігі, «Ембімүнай» бірлестігі үңғымаларды күрдөлі жөндеу көңсесінің директоры болып істеген. Анасы - Шырдабаева Балзия (1924-1995), марқұм, бала бақша меңгерушісі, бухгалтер болып жұмыс істеген. Гурьев педагогика институтының тарих-филология фа- культетін бітірген (1975), ұлттық мектепте орыс тілі мен әдебиетінің мұғалімі.

«Атырау облысы мемлекеттік мұрағаты қорларының жол басшысы» (2003, орыс тіліндегі), «Атырау облысының 1920-2000 жылдардағы әкімшілік аумақтық бөлінуі тарихының анықтамалығы» (2003, орыс тіліндегі), «Атырау мұрағаттары (хабаршы-бюллетені)» (2004), «Мұрағат деректері -халыққазынасы» (2004), «Отты жылдар» (2005) «Адамдар. Тағдырлар. Люди. Судьбы» (2005), «Атырау облысының мемлекеттік мұрағаты. Жетекші басылым. 2 бөлім» (2006), «Атырау (Гурьев) облысы ұжымшарлары мен кеңшарларының тарихы туралы анықтамалық (1928-1997)» (2008), «Атырау (бұрынғы Гурьев) қаласының тарихи жерлері» (2008) кітаптарының авторы.

Орыс және қазақ тілдерін біледі.

1975 жылдан - Гурьев қаласы №10 орта мектебі орыс тілі мен әдебиетінің мұғалімі. 1976 жылдан - Гурьев облысының мемлекеттік мұрағаттың кіші ғылыми қызметкері. 1978 жылдан - Ескене 8-жылдық мектебінің орыс тілі мен әдебиетінің мұғалімі. 1983 жылдың қыркүйегінен қазанына дейін - облыстық бухгалтерлік мектептің оқытушысы (Гурьев). 1983 жылдың сәуірінен - Облыстық мемлекеттік мұрағаттың шаруашылық есеп бөлімінің меңгерушісі. 1983 жылдың қарашасынан - Гурьев облысы мемлекеттік мұрағатының шаруашылық есеп бөлімінің меңгерушісі. 1988 жылдан - Гурьев облысы мемлекеттік мұрағатының 2-ші санаттағы мұрағатшысы. 1989 жылдан - Гурьев облыстық әкімшілігінің мұрағат бөлімінің инспекторы, жетекші маманы, бас маманы. 1997 жылдан - Гурьев облысы мемлекеттік мұрағатының директоры. 2000 жылдан - Атырау облыстық мұрағаттар мен құжаттамалар басқармасының бастығы. 2005 жылдан - Атырау облысы мұрағаттар мен құжаттамалар бөлімінің бастығы. 2008 жылдың сәуірінен 2010 жылдың наурызына дейін - Атырау облысы Мұрағаттар мен құжаттамалар басқармасының бастығы.

Мемлекеттік және банкілік мекемелер кәсіподақтары облыстық комитеті төралқасының мүшесі (2000).

«Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005), «Ерен еңбегі үшін» (2005) медальдарымен, ҚР Мәдениет, ақпарат және қоғамдық келісім министрлігінің (2001), Атырау облысының (2002), ҚР Мәдениет, ақпарат және қоғамдық келісім министрлігі мүрағаттар және құжаттарды басқару комитетінің (2003, 2004) құрмет грамоталарымен марапатталған.

Сүйіп оқитын әдебиеті - тарихи эссе, публикациялар.

Тұрмыс құрған. Жұбайы - Қамиев Амангелді, жеке кәсіпкер. Қыздары - Қамиева Әлия (1975 ж.т.), қалалық мемлекеттік мұрағаттың мұрағатшысы; Қамиева Айнұр (1977 ж.т.), америкалық «Достық» аулының, ТШО супервайзері; ұлдары - Қамиев Айбек (1977 ж.т.), «АЕК-Атырау» ЖШС директоры; Қамиев Нұрлыбек (1979 ж.т.), ІІМ Облыстық басқармасының шұғыл қызметкері - полиция капитаны, РҰҚКБ қызметкері.