Радиациялық қауіпсіздік және экология институты

Радиациялық қауіпсіздік және экология институты– ҚР Энергетика және минералдық ресурстар министрілiгiне қарасты еншiлес мемлекеттік кәсiпорын. 1993 ж. құрылған. Шығыс Қазақстан облысы Курчатов қалаласында орналасқан. Институт Семей сынақ полигоны жабылғаннан кейiн ядролық жарылыстардың қоршаған ортаға тигiзетiн радиоэкология зардаптарына баға беру мақсатында ҚР Ұлттық ядролық орталық мен 52605 әскери бөлімі ғылыми-зерттеу бөлiмшелерi негiзiнде құрылған. Құрамында радиохимиялық, радиологиялық, өсiмдiктер мен жануарлардың экологиясы, т.б. лабораториялар мен Семей сынақ полигоны нысандарына шолу жасау, ақпараттық талдау, ғылыми-технолониялар ақпарат, т.б. бөлiмдерi бар.

---

Институт негiзгi екi ғылыми бағытта: аумақтарды, нысандарды және елдi мекендердi радиологиялық зерттеу; өсiмдiктер мен жануарлардың радиоэкологиясы бағытында жұмыс iстейдi. 1994 жылдан бастап халықаралық ұйымдармен (АТЭХАГ, ХҒТО, НАТО) бiрлесе отырып, зардап шеккен аумақтардағы радиоэкология және радиация қауiпсiздiк бойынша зерттеу жұмыстарын жүргiзiп келедi. Зерттеу нәтижелерi Семей сынақ полигонындағы шаруашылық iскерлiкке және ондағы қорды пайдалануға байланысты радиол. қатердi бағалауға септiгiн тигiзуде. Институтта Семей сынақ полигонының құрылу тарихы мен қызметi туралы деректер беретiн мұражай бар..