Радиолокациялық станция

Радиолокациялық станция — радиолокациялық әдіспен түрлі объектілерді бақылауға арналған радиотехникалық жабдықтар кешені. Құрамына антенналар жүйесі, радиотаратқыш, радиоқабылдағыш, бақылау экраны кіреді. ірі станцияларда қабылданған сигналды өңдейтін есептеу машинасы да (ЭВМ) болады.

Пайдалану орындарына қарай жер бетінде жер серігіне орналастырылатын, теңіздік, ұшақтық және жұмыс істеу принципіне қарай импульстік және үздіксіз сәуле шығаратын болып бөлінеді. Объектілерді бақылаумен қатар артиллериялық қаруларды, автоматты түрде қозғалатын объектіні көздеу үшін де қолданылады.[1]

ДереккөздерӨңдеу

  1. Қазақ тілі терминдерінің салалық ғылыми түсіндірме сөздігі: Электроника, радиотехника және байланыс. — Алматы: «Мектеп» баспасы, 2007 ISBN 9965-36-448-6