Радио қашықтық өлшеуіш

Радио қашықтық өлшеуіш - негізгі аспаптары өлшенетін арақашықтықтың шеттерінде орнатылатын жетекші және жетектелуші аспаптар болатын аспаптар жиынтығы. Жиынтығына оларға қоса барометр-анероид, психрометр, аккумуляторлық батарея, телефон, кабель және басқа қосымша құралдар кіреді. Радио қашықтық өлшеуішпен арақашықтықты өлшегенде, бір станса жетекші, ал екіншісі жетектелуші режімінде істейді. Өлшеу нәтижесі жетекші стансада алынады. Радио қашықтық өлшеуіш геодезиялық тораптардың барлық класында және инженерлік-геодезиялық жұмыстарда арақашықтықты өлшеу үшін қолданылады. Бұл аспаптардың құндылығы — өлшеу жұмыстарын ауа райына және тәулік мезгіліне қарамай жүргізе беруге болады.