Рамфоринхтер^[1] (Rhamphorhynchus) — ұшқыш кесірткелердің бір отряды. Р. триас, юра кезеңдерінде Солт. Америка, Батыс Еуропа, бұрынғы КСРО жерінде және Оңт. Қазақстанда тіршілік еткен. 10-нан астам тұқымдас, туыстары бар. Денесін қыл тәріздес жүн жапқан, ұзындығы 50 см-дей. Бас сауыты созылыңқы (ұзындығы 3,5 — 20 см), көз шарасы дөңгелек, үлкен, самай шұңқырлары кішкентай болған. Өте жақсы дамыған, алға қарай бағытталған ірі тістері алдыңғы жағында орналасқан. Омыртқаларының саны мойнында — 7 — 8, арқасында — 12 — 16, сегізкөзде — 3— 5, құйрығының сіңірлері қатайып сүйекке (40 шақты) айналған. Төс сүйегі үлкен, төрт бұрышты, жақсы жетілген қыры болады, алға қарай сүйірленіп шығып тұрады. Іолының бірінші саусақтарынан басталып, бүкіл денесін бойлай тартылған жарғақ қанаттары жуан, ұзын (жайғанда ұзындығы 2 — 2,5 м) болады да, ұшына қарай сүйірленіп бітеді. Қалған саусақтары кішкене, жиылмайды. Артқы аяқтары басқа тұқымдастың өкілдеріне қарағанда қысқа, 5 саусақты және олардың аралары жарғақтармен біріккен. Бұл Р-дің ауада ұшқан кезде және суда жүзгенде денесін дұрыс бағыттауға мүмкіндік берген. Шыбын-шіркей, балықтармен қоректенген. Р-дің 10-нан астам қаңқа сүйектері Қаратаудан (Оңтүстік Қазақстан) табылған.

Illustration circa 1916 depicting several *Rhamphorhynchus* (flying) and a perching *Pterodactylus*, by Heinrich Harder.

Fossil specimen of *R. muensteri*, Museum of Natural History, Milano.

Дереккөздер

Рамфоринхтер; Қазбалық ауқымы: Late Jurassic, 150–148 Ma ПреК К О С Д Кр П Т Ю Б Пг Н ↓
	; Cast of a fossil specimen
Ғылыми топтастыруы
Тегі:	Rhamphorhynchus;
Түрі:	muensteri;
Синонимдері
	See taxonomy

↑ Қазақша энциклопедия 7 том.

Толықтыру

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1]