Рахат (Жамбыл ауданы)

Рахат — Жамбыл облысы Жамбыл ауданы, Аса ауылдық округі құрамындағы ауыл. Көкорай өзекті бойлай ел қоныстанған ауылдың аты алғаш рет "Көкөзек" ауылы деп аталған. 1932-1933 жылдары ашаршылыққа ұшыраған халықты орталыққа шоғырландырады. Бос қалған бұл ауылдың үйлеріне қаладан өзбектер көшіп келіп орналасып, егіншілікпен айналысқан. Мол өнім алып, сулы, нулы жерге риза болған халық бұл жерді "рахат екен" деп қуанған. Ауыл сол себепті "Рахат" ауылы деп аталды.

Ауыл
Рахат
Әкімшілігі
Ел	ҚазақстанҚазақстан
Облысы	Жамбыл
Ауданы	Жамбыл
Ауылдық округ	Аса
Тарихы мен географиясы
Координаттары	43°02′10″ с. е. 71°11′06″ ш. б.43.03611° с. е. 71.18500° ш. б. / 43.03611; 71.18500
Құрылған уақыты	1933
Бұрынғы атаулары	Көкөзек
Уақыт белдеуі	UTC+5:00
Тұрғындары
Тұрғыны	▲604 адам (2021)
Сандық идентификаторлары
Автомобиль коды	08
Рахат Рахат
Рахат шекарасы

 Басқа мағыналар үшін Рахат деген бетті қараңыз.

Географиялық орны

Аудан орталығы - Аса ауылынан солтүстік-шығысқа қарай 1 км-дей жерде.

Халқы

Саны (2009, 2021)

2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
408	▲604	148	209	▲299	143,1	199	▲305	153,3

Ауыл маңы

Ауылдың оңтүстік-батысында ұзындығы 1 км, ені 100 м, тереңдігі 50-60 см болатын көл бар. Бұл көлдің орнында бұрындары өзен болған, жан-жақтағы бұлақтардың суы жиналып, жергілікті тұрғындардың қолымен бөгет қазып үлкейтілген. Бөгетті "Шәлімбет бөгеті" деп атаған, ол кейін суға толып, үлкейіп көлге айналған, көл ауылдың атымен "Рахат көлі" деп аталады.