Рахымжан Тілеуімбетұлы Өтегенов

Рахымжан Тілеуімбетұлы Өтегенов (1949 жыл - 1993 жыл) - журналист, белгілі лирик ақын. Қазақстан Жазушылар одағының мүшесі. Қазақ әдебиетіне қомақты олжа салған қаламгер, ондаған поэмалары мен балладалары, балаларға арналған туындыларымен танымал.

Білімі

• Алматы облысы Еңбекшіқазақ ауданы Шелек ауылындағы Абай атындағы орта мектепті 1966 жылы бітірген.
• 1974 жылы Қазақ Мемлекеттік университетінің журналистика факультетін тамамдаған.

Еңбек жолы

Еңбек жолын Шелек аудандық «Еңбек туы» газетінен бастаған ол, Алматы облысының «Жетісу», республикалық «Қазақстан пионері» (қазіргі «Ұлан»), «Қазақ әдебиеті» газеттерінде жалғастырды. Сондай-ақ, Қазақ радиосында, Қазақстан теле-радио хабарларын тарату жөніндегі мемлекеттік комитетінде қызмет істеген.

Шығармалары

Алғашқы өлеңдері 1969 жылы «Жас керуен», 1975 жылы «Көктем тынысы» атты жас ақындардың антологиясында жарияланған. Ақынның көзі тірісінде жарық көрген «Ақ шуақ» (1977), «Көңіл көктемі» (1982), «Арманымның ақ құсы» (1985), «Көгілдір көктем» (1987), «Күтіп жүрмін көктемді» (1989) атты кітаптарын жыр сүйер қауым жылы қабылдады. Ақынның кейіннен «Бір шоқ бүлдірген» (2004), «Сыбаға» (таңдамалы 2009), «Ақын болып жаратылған бұл жүрек» (2024), «Қайта оралшы, аққуым» (2024) атты жыр кітаптары баспадан шықты.

Отбасы

Жұбайы —Дәриға Әлімбаева.

Ұлы — Ерлан Рахымжанұлы Өтегенов.

Қызы — Эльмира Рахымжанқызы Өтегенова.

Қызы — Гүлмира Рахымжанқызы Өтегенова.