Регионализм және регионализация

Регионализм және регионализация - жекелеген аймақтардың өзіндік ерекшеліктерін зерттеуші тұжырымдама. 1991 ж. бастап регионализм және регионализация ұғымдары саясаттану, глобалистика, әлемдік экономика салаларында жиі қолданылуда. Шығыс Еуропалық коммунизмнің құлауының нәтижесі болған биполярлы әлемнің құлауы әлемнің аймақтарына және олардың саяси-экономикалық бірлік ретінде қалыптасуына көп көңіл бөлуге себеп болды. Сондықтан да регионализм және регионализация үғымдары 1990-шы жылдардың ғылыми әдебиеттерінде жиі қолданыла бастады. XXI ғ. басында бұл ұғымдар бірігіп кетті және олар көбіне бір-бірін алмастырып отырды, бірақ олар пайда болуы жағынан да, мазмұны жағынан да бір-бірінен ерекшеленеді.