Ренат Құрметжанұлы Айтаев

Айтаев Ренат Құрметжанұлы.1976 жылы 10 қыркүйекте Өскемен қаласында туған. Қазақ. Әкесі - Айтаев Қурметжан Айтайұлы, «ДЭУ - Восток» ЖІІІС директоры (Өскемен қ.). Анасы - Айтаева Қанижамал Ахметқызы, «Құлыншақ» балаларға арналған дамыту орталығының педагогы. Д.М. Серікбаев атындағы Шығыс Қазақстан мемлекеттік техникалық университетінің инженерлік-экономика факультетін (1998) инженер-экономист мамандығы бойынша; Қазақ мемлекеттік заң академиясының заң факультетін (2001) заңгер мамандығы бойынша бітірген. Қазақ, орыс және ағылшын тілдерін біледі. «Нұр Отан» ХДП мүшесі (2008 жылдан). 1999 жылдан - ШҚО Статистика басқармасы өнеркәсіп кәсіпорындарының мониторингі бөлімінің бас маманы. 2000 жылдан - ҚР Мемлекеттік кіріс министрлігі Талдау және болжау департаментінің жетекшісі, бас маманы. 2002 жыл- дан - ҚР Қаржы министрлігі Кіріс және шарттар департаментінің кедендік кіріс бөлімінің бастығы; 2003 жылдан - Кедендік бақылау комитетінің басқарма бастығы. 2008 жылдың маусым айынан - ҚР Еңбек және халықты әлеуметтік қорғау министрлігі Ақпараттық қамтамасыз ету департаменті директорының м.а., 2008 жылдың тамыз айынан - департамент директоры. 2009 жылдан - ҚР Индустрия және сауда министрлігі Индустриялық-инновациялық дамуды салааралық үйлестіру департаментінің директоры. 2010 жылдың сәуір айынан ҚР Индустрия және сауда министрлігі Индустриялық саясат департаментінің директоры. 2010 жылдың маусым айынан - ҚР Премьер-министрі Кеңсесінің Индустриялық инновациялық даму белімі меңгерушісінің орынбасары 2010 жылдың қазан айынан бері - Қазақстан Республикасының Премьер-Министрі Кеңсесінің Индустриялық-инновациялық даму болімінің меңгерушісі. Әскери атағы - кеден қызметінің майоры. Діни көзқарасы - «Мұсылман дінін ұстанамын». Саяси қайраткер ретіндегі идеалы - Н.Ә. Назарбаев. Хоббиі - кітап оқу, бильярд. Үйленген. Жұбайы - Айтаева Гүлназ Әскерқызы, Астана қаласының №7 мектебінің мұғалімі.