Репертуар

Репертуар (франц. repertoіre, лат. repertorіom — тізім, хаттау) — театр, концерт эстрадасы, т.б. өнер ордаларында орындалатын драмалық, музыкалық, т.б. шығармалар жиынтығы, сондай-ақ актер ойнайтын рөлдердің бір тобы. Қазіргі Репертуар (қазіргі қоғам өмірін көрсететін шығармалар) және классик. Репертуар (ұлттық және дүние жүзінің классик. драматургиясы) деген түсінік бар. Сонымен қатар Репертуарды театрдың түріне (мыс., опер., эстрад.), стилі мен жанрына (комед., романтик.) қарай айырады. Репертуардан театрдың көркемдік және идеялық бағыт-бағдары да байқалады.