Роберто ди Маттео

Роберто Ди Маттео (итал. Roberto Di Matteo; 29 мамыр 1970, Шаффхаузен) — италиялық футболшы, футбол жаттықтырушысы.

Роберто Ди Маттео
Жалпы мағлұмат
Туған күні	29 мамыр 1970 (1970-05-29) (54 жас)
Туған жері	Шаффхаузен, Швейцария
Азаматтығы	Швейцария Италия
Бойы	178
Позиция	жартылай қорғаушы
Клуб карьерасы 1988—1991 Шаффхаузен 50 (2) 1991—1992 Цюрих 34 (6) 1992—1993 Арау 33 (1) 1993—1996 Лацио 87 (7) 1996—2002 Челси 119 (15) Ұлттық құрамы 1994—1998 Италия 34 (2) Бапкерлік карьерасы 2008—2009 Милтон Кинс Донс 2009—2011 Вест Бромвич Альбион 2011—2012 Челси асс 2012 Челси 2014—2015 Шальке 04 2016 Астон Вилла

Карьерасы

Роберто Швейцарияда дүниеге келген. Швейцария футболының тәрбиеленушісі. 1993 жылға дейін "Шаффхаузен", "Цюрих", "Арау" секілді швейцариялық клубтарда доп теуіп, "Лациоға" ауысты.

1996 жылы "Челсиге" ауысып, 2002 жылы 31 жасында жарақатының кесірінен футболмен ерте қоштасты. "Челси" сапындағы соңғы ойынын 2002 жылыАнглия кубогы финалында "Арсеналға" қарсы өткізді (бұл кезде Роберто футболмен қоштасып қойған-ды, бірақ "көктердің" бапкері Клаудио Раньери сонда да оны алаңға шығарды).

2002 жылы "Челси" құрамасының бүкіл тарихындағы символикалық құрамына енді.

Бапкерлік жолын 2008 жылы "Милтон Кинс Динс" клубын жаттықтырудан бастады. Бір жылдан соң Премьер Лигадан чемпионшипке түсіп кеткен "Вест Бромвич Альбионның" тізгінін ұстады. 2011 жылы ақпан айында көрсеткіштері айтарлықтай болмай, ол қызметтен босады.

2011 жылы "Челсидің" бапкері Андре Виллаш-Боаштың көмекшісі боп тағайындалды. 2012 жылы көктемде "Челсидің" ойыны тіпті нашарлап кетті де, Андре бапкерліктен қуылды, орнына уақытша бапкер боп Роберто қызметін бастады. Ешкім күтпеген жерде "Челси" Чемпиондар лигасын ұтып алды. Соның артынша Роберто бас жаттықтырушы боп тағайындалды.

2012 жылы 21 қарашада көрсеткен нәтижелерінің төмендігінен ол қызметтен кетті.

2014 жылы 7 қазанда "Шальке 04" клубының бас жаттықтырушысы боп тағайындалды. 2014/15 жылғы маусым қорытындысында "Шальке" Германия чемпионатында 6-орында қап кетті де, клуб Робертомен серіктестігін одан әрі созған жоқ.

2016 жылы маусым айында "Астон Вилламен" келісім шарт түзді. Бірақ Чемпионшипте 11 кездесуде бір ойында ғана жеңіске жетіп, сол жылы қазан айында-ақ ол жерден кетті.

Жетістіктері

Командалық

«Арау»

• Швейцария чемпионы (1): 1992/93

«Челси»

• Англия кубогы (2): 1997, 2000
• Англия суперкубогы (1): 2000
• Лига кубогы (1): 1998
• УЕФА Кубок иелері кубогы (1): 1998
• УЕФА суперкубогы (1): 1998

Бапкер ретіндегі жетістіктері

Командалық

«Челси»

• УЕФА чемпиондар лигасы (1): 2012
• Англия кубогы (1): 2012

Жеке

• Премьер лиганың үздік бапкері (1): қыркүйек 2010

Сілтемелер

• Профилі