Родонит

Родонит^[1] (грекше rhodon — раушан) — силикаттар класының минералы.

Химиялық формуласы: (Мn,Са)SiO₃
құрамындағы: MnO — 30 — 46%, CaO — 4 — 6,5%, SіO2 — 45 — 48%, ZnO қоспалары 12%-ға дейін жетеді.
Жаратылысы метаморфтық, триклиндік сингонияда кристалданады.
Кристалдары кесте типтес немесе созылыңқы тығыз түйіршік массалар, сирек кездеседі. Кристалдық құрылымына [SіO₄] буынының бес мүшелі тізбегі тән.
Түсі қызыл, алқызыл, қызыл-күрең, қоңыр-қызғылт, жымдастығы жетілген. Қаттылығы 5,5 — 6, тығыздығы 3,4 — 3,75 г/см³; морт, шыныша жылтырайды.
Родонит әшекей тас ретінде және құрылыста қаптама тас есебінде қолданылады. Қазақстанның Оңтүстік (Жетісу Алатауы, Балқаш маңы), Шығыс (Риддер ауданы) аймақтарында кездеседі.

Дереккөздер

↑ Қазақ тілі терминдерінің салалық ғылыми түсіндірме сөздігі: Геология— Алматы: "Мектеп" баспасы", 2003.ӀSВN 5-7667-8188-1 ӀSВN 9965-16-512-2
↑ Қазақ энциклопедиясы, 7 - том

Марганец минералдары

Бұл — геология бойынша мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.