Рокфеллерлер

Рокфеллерлер — АҚШ-тағы неғұрлым қуатты қаржылық-монополиялық топтың бірі, актив мөлшері жағынан Моргандардан кейін 2-орын алады. Топтың негізін мұнай алпауыты Джон Дэвисон Рокфеллер салды. Рокфеллерлер елдің мұнай байлығын пайдалану арқылы орасан мол дәулет жинады. Олар аса ірі алты мұнай монополиясына:

• «Стандард ойл оф Ныо-Джерси»
• «Сокони ойл»
• «Стандард ойл оф Индиана»
• «Стандард ойл оф Калифорння»
• «Атлантик рифайнинг»
• «Огайо ойл» бақылау жасайды.

Рокфеллерлер шаруашылықтың электротехника, машина жасау, авиация, қант өнеркәсібі, сондай-ақ темір жол сияқты кейбір салаларына да өз ықпалын жүргізеді. Топтың негізгі финанс орталығы — АҚШ-тың ең қуатты банкілерінің бірі — „Чейз Манхаттан банк“. Осы арқылы Рокфеллерлер химия өнеркәсібіне, атом энергиясы өндірісіне еніп, аса маңызды шикізат көздерін қолына алды. Рокфеллерлердің жалпы активті (белсенді) ақшасы 1970 жылы 100 млрд. доллардан асып түсті.