Роналдиньо

Роналдо де Ассис Морейра (порт. Ronaldo de Assis Moreira; 21 наурыз 1980, Порту-Алегри, Риу-Гранди-ду-Сул штаты) — бразилиялық футболшы, «Атлетико Минейро» және Бразилия ұлттық құрамасының шабылдаушы, жартылай қорғаушы және шабуылшы ойнады. 1 дүркін «Алтын доп» иегері, ФИФА 100 тізіміне іліккен.

Роналдиньо
Жалпы мағлұмат
Толық аты	Роналдо де Ассис Морейра
Лақап аттары	Ронни (Ronni)
Туған күні	21 наурыз 1980 (1980-03-21) (44 жас)
Туған жері	Порту-Алегри, Бразилия
Азаматтығы	Бразилия
Бойы	182 см
Салмағы	80
Позиция	Шабылдаушы жартылай қорғаушы шабуылшы
Клуб жайлы ақпарат
Клуб	клубсыз
Жастар клубы 1987—1991 Ланжендонк 1991—1995 Белу-Оризонти 1995—1998 Гремио Клуб карьерасы 1998—2001 Гремио 52 (21) 2001—2003 Пари Сен-Жермен 55 (17) 2003—2008 Барселона 145 (70) 2008—2011 Милан 76 (20) 2011—2012 Фламенго 33 (15) 2012—2014 Атлетико Минейро 32 (9) 2014—2015 Керетаро 25 (8) 2015 Флуминенсе 7 (0) Ұлттық құрамы 1999—2013 Бразилия 97 (33)

Карьерасы

Клубтық

Роналдиньо 1980 жылы 21 наурызда Сан-Лукас перзентханасында, Порту-Алегри қаласында, Риу-Гранди-ду-Сул штатында, отбасындағы үшінші бала болып дүние есігін ашады. Анасы Дон Мигуэлина саудагер және де медбикелікке де қабілеті болған. Әкесі Жуан да Силва Морейра «Гремио» футбол клубының тұрағында қарауыл болып қызмет атқарған. Әкесі жергілікті жанкүйерлерден құрылған «Крузейро» командасының сапында ойнады. Яғни Роналдиньоның футболға деген қызығушылығын оятқан жәнеде алғашқы ұстазы есебінде көше футболына апарып, бағыт-бағдар беріп жүрген әкесі болған. Қара бала, футболдың айналасындағылардың бәрін таңқалдырады.

Үлкен футболға аяқ баспас бұрын, шағын футболдың добын теуіп жүрген Роналдиньо, 13 жасында «Белу-Оризонти» клубының сапында жергілікті командаға қарсы болған ойында 23 гол соғады. Көргендер осынау талантты баланың шеберлігіне таңданыстарын жасырып қалмайды.

1995 жылы «Гремионың» жасөспірімдер клубына қабылданып, 1997 жылы клубпен алғашқы келісімшартқа отырады. 2001 жылдың 15 ақпанында Францияның, «Пари Сен-Жермен» клубымен қол алысып, бас изесіп келісімге келеді.

Франциялық клубтың сапында өзінің өзге қырларын көрсеткен ойыншы, 2003 жылдың 19 шілдесінде әйгілі «Барселона» футбол клубының құрамына қабылданады. «Барселона» сапында жұлдызды ойыншы болады. Маңызды голдар соғады, ұтымды ұтқыр пастар шығарады, ешкімнің ойына кіріп шықпайтын алаңдағы әрекеттерімен ерекше есте қалады.

Ронна 2008 жылдың 15 шілдесінде «Барселона» мен қоштасып, Италияндық «Миланның» жаңа ойыншысы болады. «Милан» сапында жарқыраған жұлдызды сәттері сөне бастайды. Көбінде қосалқы құрамнан шығып жүрді.

2011 жылдың 10 қаңтарында өз Отаны Бразилияға оралып, сол елдегі «Фламенго» клубымен келесім жасасып, қол қояды. Алайда көп уақыт өтпей Ронна клубтан кетеді. 2012 жылдың 4 маусымында «Атлетико Минейромен» жарты жылдық келісімшартқа отырады.

2015 жылы карьерасын аяқтады.

Ұлттық құрама

2002 жылы әлем чемпионатына қатысып, бес кездесуде екі гол соқты. Тұңғыш голын топтық кезеңнің екінші турында Қытай қақпасына енгізді, ал ширек финалда Англияның қақпасына керемет гол соқты, қапталдан айып добын орындап, допты қақпаға тікелей бағыттады, доғаша иіліп ұшқан доп алыс бұрышқа күмп берді. Бұл турнирде Бразилия құрамасы әлем чемпионы атанды.

2006 жылғы әлем чемпионатында Роналдиньо онша жарқырай алмады, құрама ширек финалда Франциядан ұтылып қалды. Роналдиньо бұдан кейін әлем чемпионатына қатысқан жоқ.

Жетiстектерi

Клубтық

«Гремио».

• Риу-Гранди-ду-Сул штатының Чемпионы: 1999.
• Сул-Минас Кубогының иегері: 1999.

«Пари Сен-Жермен»

• Интертото кубогының иегері: 2001.

«Барселона».

• Испанияның Чемпионы (2): 2005, 2006.
• Испания Суперкубогының иегері: (2): 2005, 2006.
• Чемпиондар Лигасының жеңімпаздары: 2006.

«Милан».

• Италия Чемпионы: 2010/11
• Италия чемпионатының қола жүлдегері (2) : 2008/09, 2009/10

«Фламенго».

• Гуанабара Кубогының иегері: 2011.
• Рио Кубогының иегері: 2011.
• Рио-де-Жанейро штатының чемпионы: 2011.

Бразилия құрамасы.

• Әлем чемпионы (17 жасқа дейінгілер арасында): 1997.
• Америка Кубогының иегері: 1999.
• Әлем Чемпионы: 2002.
• Конфедерация Кубогының иегері: 2005.
• Олимпиада ойындарының қола жүлдегері: 2008.
• Роки Кубогының иегері: 2011.

Жеке

• Риу-Гранди-ду-Сул штатының чемпионатында ең үздік сұрмерген: 1999 (15 гол).
• Конфедерация Кубогында ең үздік сұрмерген: 1999 (6 гол).
• Конфедерация Кубогының үздік ойыншысы: 1999.
• Бразилиядағы «күміс доптың» иегері: 2000.
• Әлем чемпионатының символикалық құрамасына кіреді: 2002.
• Испания чемпионатының үздік ойыншысы: 2004.
• Трофей ЕФЕ иегері (Үздік оңтүстікамерикалық Испания чемпионатындағы): 2004.
• ФИФАның жыл ойыншысы: 2004, 2005
• World Soccer версиясы бойынша жыл ойыншысы: 2004, 2005.
• France Football анықтағыны бойынша үздік ойыншы. «Алтын дотың» иегері.2005.
• УЕФАның үздік шабуылшысы: 2005.
• Onze версиясы бойынша Әлемнің үздік ойыншысы: 2005.
• УЕФАның клубтық ойыншы дәрежесі: 2006.
• ФИФПРО версиясы бойынша үздік футболшы: 2005, 2006.
• ФИФПРОның символикалық құрамасына енді: 2005, 2006, 2007.
• Италия чемпионатында үздік пас беруші: 2009/10 (15 пас)
• Рио-де-Жанейро штатының символикалық құрамына енді: 2011.
• Бразилия чемпионатының символикалық құрамына енді: 2011.

Сiлтемелер

Ортаққорда бұған қатысты медиа санаты бар: Ronaldinho

• Роналдиньо Sports.ru сайтада  (орыс.)
• Фотохроника Sports.ru сайтада  (орыс.)
• Статистика Sports.ru сайтада  (орыс.)
• Профиль «Атлетико Минейро» ресми сайтада Мұрағатталған 14 қазанның 2013 жылы.  (порт.)
• Профиль «Барселона» ресми сайтада Мұрағатталған 3 маусымның 2010 жылы.  (ағыл.)
• Футпедии сайтада Мұрағатталған 28 наурыздың 2010 жылы.