Рон Уизли

Рональд Билиус «Рон» Уизли (ағылш. Ronald Bilius Weasley) — шашы қызыл-сары, беті сепкілдерге толы бейнеге ие «Хәрри Поттер» кітаптар жинағындағы басты кейіпкерлердің бірі, Хәрри Поттер мен Хәрмиона Грейнджердің ең жақын досы және «Алтын үштік» мүшесі. Ол Уизли әулетіндегі ең кішісі және тазақанды сиқыршы. Рон Хогуартс мектебінде Грифиндор факультетінде білім алады. Фильмде оның рөлін Руперт Гринт сомдайды.

Отбасы

• Атасы: Септимус Уизли
• Әжесі: Цедрелла Уизли
• Әкесі: Артур Уизли
• Анасы: Молли Уизли
• Ағалары: Билл Уизли, Чарли Уизли, Перси Уизли, Фред Уизли, Джордж Уизли
• Қарындасы: Джинни Уизли
• Әйелі: Гермиона Уизли
• Қызы: Роза Уизли
• Ұлы: Хьюго Уизли

Бет келбеті және мінез–құлқы

Рон – жүдеу, тарамыс және ұзын бойлы жігіт. Отбасындағы өзге адамдар секілді сары шашты. Оның көзі көк, беті секпілді, мұрны ұзын. Анасы ағаларын үнемі мақтап, оған үлгі ретінде қоятындықтан өзін «екінші сортты» бала ретінде сезінеді. Ол өте күйгелек, бірақ ақкөңіл және батыл. Өзінің батылдығын және қайсарлығын жеті жыл аралығында біршама рет дәлелдейді.