Рубен Айрапетович Восканов

Рубен Айрапетович Восканов (1891 ж. туған, Түрікменстан Республикасы, Закаспий облысы) – Кеңес өкіметінің қалыптасуы мен нығаюына үлес қосқан кәсіби революционер. 1932 – 1933 ж. Оңтүстік Қазақстан облыстық партия комитетінің бірінші хатшысы. 1914 жылдан КОКП мүшесі. 1923 жылдан партиялық жұмыста Алтай губерниялық партия комитетінің жауапты ұйымдастырушысы, Ивано-Вознесенск губерниялық комитеті ұйымдастыру бөлімінің нұсқаушысы, Кинешма уездік партия комитетінің хатшысы, Закаспий өлкелік партия комитеті ұйымдастыру бөлімі меңгерушісінің орынбасары, нұсқаушы, Қызылорда қалалық партия комитетінің жауапты ұйымдастырушысы, Гурьев округ партия комитетінің жауапты хатшысы. Қазақ өлкелік партия комитетінің бұқаралық-насихат бөлімінің меңгерушісі қызметтерін атқарды.